ಮಂಗಳೂರು:2019ರಲ್ಲಿ ಮಗುವಿನ ಹುಡುಕಾಟದೊಂದಿಗೆ ಮಂಗಳೂರಿಗೆ ಬಂದಿದ್ದ ಮಧ್ಯಪ್ರದೇಶ ಮೂಲದ ಮಾನಸಿಕ ಅಸ್ವಸ್ಥ ಮಹಿಳೆಯನ್ನು ವೈಟ್ ಡೌಸ್ ಸಂಸ್ಥೆ ರಕ್ಷಿಸಿ ಆರೈಕೆ ಮಾಡಿದ್ದು, ಇದೀಗ ಮಹಿಳೆ ಸಂಪೂರ್ಣ ಗುಣಮುಖರಾಗಿದ್ದಾರೆ. ಆ ಮಹಿಳೆಯನ್ನು ಅವರ ಕುಟುಂಬದವರೊಂದಿಗೆ ಸೇರಿಸಲಾಗಿದೆ.
ಮಧ್ಯಪ್ರದೇಶದ ಶಾಜಾಪುರ್ನ ನಬೀಸಾ ಮಾನಸಿಕ ಅಸ್ವಸ್ಥರಾಗಿದ್ದ ಮಹಿಳೆ. 2019 ರ ಮೇ ತಿಂಗಳಲ್ಲಿ ಮಂಗಳೂರಿಗೆ ಬಂದಿದ್ದ ಇವರು ತಮ್ಮ ಕಳೆದು ಹೋಗಿರುವ ಮಗುವಿನ ಹುಡುಕಾಟಕ್ಕಾಗಿ ನಗರದ ಬೀದಿ ಬೀದಿಗಳಲ್ಲಿ ಅಲೆದಾಟ ನಡೆಸಿದ್ದರು. ಈ ಕುರಿತು ಮಾಹಿತಿ ಪಡೆದ ವೈಟ್ ಡೌಸ್ ಸಂಸ್ಥೆಯ (ನಿರ್ಗತಿಕರ ಆಶ್ರಯ ಕೇಂದ್ರ) ಸ್ಥಾಪಕಿ ಕೊರಿನ್ ರಸ್ಕಿನ್, ಮಾನಸಿಕ ಅಸ್ವಸ್ಥರಾಗಿದ್ದ ನಬೀಸಾ ಅವರನ್ನು ತಮ್ಮ ಸಂಸ್ಥೆಗೆ ಕರೆತಂದು ಆರೈಕೆ ಮಾಡಿದ್ದಾರೆ.
ಕಳೆದು ಹೋದ ಮಗುವನ್ನು ಹುಡುಕುತ್ತ ಮಂಗಳೂರಿಗೆ ಬಂದ ತಾಯಿ