ಯುವಕನಿಗೆ ಚೂರಿ ಇರಿದು ಕೊಲೆಗೆ ಯತ್ನ

ಹಳೆ ವೈಷಮ್ಯ ಹಿನ್ನೆಲೆ ಯುವಕನಿಗೆ ಚೂರಿ ಇರಿಯಲಾಗಿದೆ. ಇದೇ ವೇಳೆ ಈತನನ್ನು ಕಾಪಾಡಲು ಹೋದ ಇನ್ನಿಬ್ಬರ ಮೇಲೂ ಹಲ್ಲೆ ನಡೆಸಲಾಗಿದೆ.

ಸಸಿಹಿತ್ಲು (ಮಂಗಳೂರು) : ಯುವಕನಿಗೆ ಚೂರಿಯಿಂದ ಇರಿದು ಕೊಲೆ ಯತ್ನ ನಡೆಸಿರುವ ಘಟನೆ ಉತ್ತನ ಬಳಗ ಶಿಶುಮಂದಿರ ರಸ್ತೆ ಬಳಿ ನಡೆದಿದೆ.

ಸ್ಥಳೀಯ ನಿವಾಸಿಗಳಾದ ಸೌರಭ್, ಜಸ್ಟೀನ್, ಸುಜಿತ್ ಎಂಬುವರು ಶನಿವಾರ ರಾತ್ರಿ ಪಡೆದುಕೊಂಡು ಹೋಗುವಾಗ ಆರೋಪಿ ಪ್ರಶಾಂತ್ ಎಂಬಾತನು ಜಿತೇಶ್​ಗೆ ಚೂರಿಯಿಂದ ಇರಿದಿದ್ದಾನೆ. ಇದನ್ನು ತಡೆಯಲು ಹೋದ ಸೌರಭ್ ಹಾಗೂ ಜಸ್ಟೀನ್ ಅವರ ಮೇಲೂ ಹಲ್ಲೆ ಮಾಡಿದ್ದಾನೆ.

ಗಾಯಗೊಂಡವರನ್ನು ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಆರೋಪಿ ಪ್ರಶಾಂತ್​ಗೆ ಜಿತೇಶ್ ಮೇಲೆ ಹಳೆ ವೈಷಮ್ಯವಿತ್ತು ಎನ್ನಲಾಗಿದೆ. ಘಟನೆ ಸಂಬಂಧ ಸುರತ್ಕಲ್ ಪೊಲೀಸ್​ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.