ಮೇರಿ ಚರ್ಚ್‍ನಲ್ಲಿ ಮೊಂತಿ ಹಬ್ಬ ಆಚರಣೆ: ಭಕ್ತಾದಿಗಳಿಗೆ ಹೊಸ ತೆನೆ ವಿತರಣೆ

ಮಂಗಳೂರಿನ ಬಜ್ಜೋಡಿಯಲ್ಲಿ ಮಾತೆ ಮರಿಯಮ್ಮ ಜನ್ಮದಿನದ ಅಂಗವಾಗಿ ಇನಫೆಂಟ್ ಮೇರಿ ಚರ್ಚ್‌ನಲ್ಲಿ ಸಂಭ್ರಮದ ಬಲಿಪೂಜೆ ಆಚರಿಸಲಾಯಿತು.

ಬಜ್ಜೋಡಿ(ಮಂಗಳೂರು) : ಮಾತೆ ಮರಿಯಮ್ಮರ ಜನ್ಮದಿನದ ಪ್ರಯುಕ್ತ ನಗರದ ಬಜ್ಜೋಡಿಯಲ್ಲಿರುವ ಇನ್ಫೆಂಟ್ ಮೇರಿ ಚರ್ಚ್‌ನಲ್ಲಿ ಸಂಭ್ರಮದ ಬಲಿಪೂಜೆ ನೆರವೇರಿತು.

ಚರ್ಚ್​ನ ಪ್ರಧಾನ ಯಾಜಕ ವಂ.ಫಾ.ಆರ್ಚಿಬಾಲ್ಡ್ ಗೊನ್ಸಾಲ್ವಿಸ್‍ರವರು ಬಲಿಪೂಜೆಯನ್ನು ಅರ್ಪಿಸಿದರು.

ಇದಕ್ಕೂ ಮೊದಲು ಅವರು ಎಲ್ಲಾ ಭಕ್ತಾದಿಗಳಿಗೂ ಹೊಸ ತೆನೆಯನ್ನು ಅರ್ಪಿಸಿ ಆಶೀರ್ವದಿಸಿದರು. ತದನಂತರ ಭಕ್ತಾದಿಗಳು ತಂದಂತಹ ಹೂವುಗಳನ್ನು ಮಾತೆ ಮರಿಯಮ್ಮನವರಿಗೆ ಅರ್ಪಿಸಿದರು. ಈ ಸಂದರ್ಭ ಅವರು ಮಾತೆ ಮರಿಯಮ್ಮನವರ ಮುಖಾಂತರ ದೊರೆತ ಎಲ್ಲಾ ಉಪಕಾರಗಳಿಗೆ ದೇವರಿಗ ಕೃತಜ್ಞತೆಯನ್ನು ಸಲ್ಲಿಸಿದರು. ಈ ಸಂದರ್ಭ ಚರ್ಚ್​ನ ಗುರುಗಳಾದ ವಂ.ಫಾ. ಐವನ್ ಡಿಸೋಜಾ, ಫಾ.ಪ್ಯಾಟ್ರಿಕ್ ಲೋಬೊ, ಫಾ.ರಾಯನ್ ಪಿಂಟೊ, ಫಾ.ಬಾರ್ನಬಾಸ್ ಮೊನಿಸ್‍ರವರು ಇದ್ದರು.