ಮಂಗಳೂರು: ಮೀನಿಗೆ ಹಾಕಿದ್ದ ಬಲೆಯಲ್ಲಿ ಸಿಲುಕಿ ಮೀನುಗಾರ ಸಾವು

ಮಂಗಳೂರಿನ ಸುರತ್ಕಲ್​ನ ಗುಡ್ಡೆಕೊಪ್ಲ ಸಮುದ್ರ ತೀರದಲ್ಲಿ ಮೀನು ಹಿಡಿಯಲು ಹಾಕಿದ್ದ ಬಲೆಯಲ್ಲಿ ಸಿಲುಕಿದ ಮೀನುಗಾರನೊಬ್ಬ ಹೊರ ಬರಲಾಗದೆ ಸಾವನ್ನಪ್ಪಿರುವ ಘಟನೆ ನಡೆದಿದೆ.

ಮಂಗಳೂರು: ಮೀನು ಹಿಡಿಯಲು ಹಾಕಿದ್ದ ಬಲೆಯಲ್ಲಿ ಸಿಲುಕಿದ ಮೀನುಗಾರನೊಬ್ಬ ಹೊರ ಬರಲಾಗದೆ ಸಾವನ್ನಪ್ಪಿರುವ ಘಟನೆ ಸುರತ್ಕಲ್​ನ ಗುಡ್ಡೆಕೊಪ್ಲ ಸಮುದ್ರ ತೀರದಲ್ಲಿ ನಡೆದಿದೆ.

ಸುರತ್ಕಲ್ ನಿವಾಸಿ ಲೋಕೇಶ್ ಕುಂದರ್ (42) ಮೃತಪಟ್ಟ ವ್ಯಕ್ತಿ. ಈತ ಸಮುದ್ರದ ದಡದಲ್ಲಿ ರಬ್ಬರ್ ಟ್ಯೂಬ್ ಬಳಸಿಕೊಂಡು ಈಜುತ್ತಾ ಮೀನು ಹಿಡಿಯಲು ಬಲೆ ಹಾಕುತ್ತಿದ್ದ. ಈ ವೇಳೆ ಬೃಹತ್ ತೆರೆಯೊಂದರಲ್ಲಿ ಲೋಕೇಶ್​ ಸಿಲುಕಿಕೊಂಡಿದ್ದಾನೆ. ಬಲೆಯನ್ನು ಬಿಡಿಸಲು ಯತ್ನಿಸಿ ಅಸ್ವಸ್ಥನಾಗಿದ್ದ. ಇದೇ ವೇಳೆ ಸುರಕ್ಷತೆಗೆ ಇದ್ದ ರಬ್ಬರ್ ಟ್ಯೂಬ್ ಕೂಡ ಜಾರಿತ್ತು. ಹೀಗಾಗಿ ಹೊರ ಬರಲಾಗದೆ ನರಳುತ್ತಿದ್ದಾಗ ಸ್ಥಳೀಯ ಮೀನುಗಾರರು ರಕ್ಷಣೆ ಮಾಡಿ ಆಸ್ಪತ್ರೆಗೆ ಸಾಗಿಸಿದರಾದರೂ ಚಿಕಿತ್ಸೆ ಫಲಕಾರಿಯಾಗದೆ ಮೃತಪಟ್ಟಿದ್ದಾನೆ. ಈ ಸಂಬಂಧ ಸುರತ್ಕಲ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.