ಡೀಸೆಲ್​​ಗೂ ಕಾಸಿಲ್ಲದೆ ವಾರದಿಂದ ಶೆಡ್​​ನಲ್ಲಿ ನಿಂತಿದೆ ನಗುಮಗು ಆಂಬ್ಯುಲೆನ್ಸ್​​!

ಡಿಸೇಲ್​ಗೆ ಅನುದಾನ ನೀಡದ ಹಿನ್ನೆಲೆಯಲ್ಲಿ ಲೇಡಿಗೋಷನ್ ಆಸ್ಪತ್ರೆಗೆ ಸೇರಿದ ನಗು ಮಗು ಆ್ಯಂಬುಲೆನ್ಸ್ ಒಂದು ವಾರದಿಂದ ಸ್ಥಗಿತಗೊಂಡಿದೆ‌.

ಮಂಗಳೂರು:ಡಿಸೇಲ್​ಗೆ ಅನುದಾನ ನೀಡದ ಹಿನ್ನೆಲೆಯಲ್ಲಿ ಲೇಡಿಗೋಷನ್ ಆಸ್ಪತ್ರೆಗೆ ಸೇರಿದ ನಗು ಮಗು ಆ್ಯಂಬುಲೆನ್ಸ್ ಒಂದು ವಾರದಿಂದ ಸ್ಥಗಿತಗೊಂಡಿದೆ‌.

ಆಂಬ್ಯುಲೆನ್ಸ್​ ಡೀಸೆಲ್​ಗೆ ಅನುದಾನದ ಕೊರತೆಯುಂಟಾಗಿ ಶೆಡ್​ನಲ್ಲಿ ವಾಹನವನ್ನು ಪಾರ್ಕ್ ಮಾಡಲಾಗಿದೆ. ಈಗ ಬಡವರು ದುಬಾರಿ ಬಾಡಿಗೆ ನೀಡಿ ಆ್ಯಂಬುಲೆನ್ಸ್​ನಲ್ಲಿ ತೆರಳಬೇಕಾದ ಅನಿವಾರ್ಯತೆ ಉಂಟಾಗಿದೆ. ಈ ಬಗ್ಗೆ ಜನಪ್ರತಿನಿಧಿಗಳು ತಕ್ಷಣ ಸ್ಪಂದನೆ ನೀಡಿ ಅನುದಾನ‌ ನೀಡಬೇಕಾಗಿದೆ.

ಈ ಬಗ್ಗೆ ಲೇಡಿಗೋಷನ್ ಆಸ್ಪತ್ರೆಯ ಅಧೀಕ್ಷಕಿ ಡಾ.ಸವಿತಾ ಬಿ.ಎಸ್.ಮಾತನಾಡಿ, ಲೇಡಿಗೋಷನ್ ಆಸ್ಪತ್ರೆಯ ಸುಮಾರು 60 ಸಾವಿರದಷ್ಟು ಡೀಸೆಲ್ ಬಿಲ್ ಬಾಕಿಯಾಗಿರುವುದರಿಂದ ಹಾಗೂ ಪೆಟ್ರೋಲ್ ಬಂಕ್​ಗಳಿಂದ ಕ್ರೆಡಿಟ್ ರೂಪದಲ್ಲಿ ಪೆಟ್ರೋಲ್ ಸಿಗದಿರುವ ಕಾರಣ ನಗು ಮಗು ಆ್ಯಂಬುಲೆನ್ಸ್ ಸ್ಥಗಿತಗೊಳಿಸಲಾಗಿದೆ. ಈಗಾಗಲೇ ಜಿಲ್ಲಾ ಆರೋಗ್ಯ ಹಾಗೂ ಕುಟುಂಬ ಕಲ್ಯಾಣಾಧಿಕಾರಿಗೆ ಈ ಬಗ್ಗೆ ಮನವಿ ಪತ್ರ ಸಲ್ಲಿಸಿದ್ದೇವೆ. ಅವರು ಈಗಾಗಲೇ ರಾಜ್ಯದ ನಿರ್ದೇಶಕರಿಗೆ ಈ ಮನವಿ ಪತ್ರವನ್ನು ಕಳುಹಿಸಿ ಕೊಟ್ಟಿದ್ದು, ಒಂದು ವಾರದೊಳಗೆ ಅನುದಾನ ಲಭ್ಯವಾಗುವ ಭರವಸೆಯಿದೆ. ಅನುದಾನ ದೊರಕಿದ ತಕ್ಷಣ ನಗು ಮಗು ಸೇವೆಯನ್ನು ಆರಂಭಿಸಲಾಗುವುದು ಎಂದು ಹೇಳಿದರು.