ಮಂಗಳೂರು: ಶ್ರೀಕೃಷ್ಣ ಜನ್ಮಾಷ್ಟಮಿ ದಿನ ಉಡುಪಿ ಭಾಗದಲ್ಲಿ ರಾತ್ರಿವರೆಗೆ ಉಪವಾಸ ಇದ್ದು ಆಚರಿಸಿದರೆ, ಮಂಗಳೂರು ಭಾಗದಲ್ಲಿ ಮಧ್ಯಾಹ್ನವೇ ಹಬ್ಬದಡುಗೆ ಮಾಡಿ ಸಂಭ್ರಮಿಸುತ್ತಾರೆ. ಉಡುಪಿ ಮತ್ತು ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿ ಶ್ರೀಕೃಷ್ಣ ಜನ್ಮಾಷ್ಟಮಿ ದಿನ ಮೂಡೆ ತಯಾರಿಸುವುದು ವಾಡಿಕೆ. ಅದಕ್ಕಾಗಿ ಹಬ್ಬದಡುಗೆಯ ಜೊತೆಗೆ ಮೂಡೆ ತಯಾರಿಕೆಯಲ್ಲೂ ಜನ ತೊಡಗಿಸಿಕೊಳ್ಳುತ್ತಾರೆ.
ನಗರಗಳಲ್ಲಿ ಮೂಡೆ ತಿಂಡಿ ತಯಾರಿಕೆಗೆ ಬೇಕಾದ ಮೂಡೆಯ ಎಲೆ ಸಿಗುವುದು ವಿರಳ. ಅದಕ್ಕಾಗಿ ಮೂಡೆ ಎಲೆ ಕಟ್ಟುವವರ ಬಳಿ ಹೋಗಿ ತಮಗೆ ಬೇಕಾದಷ್ಟು ಕಟ್ಟಿದ ಮೂಡೆ ಎಲೆಗಳನ್ನು ಗ್ರಾಹಕರು ಖರೀದಿಸುತ್ತಾರೆ.
ಕರಾವಳಿಯಲ್ಲಿ ಮೂಡೆ ವ್ಯಾಪಾರ