ಮಂಗಳೂರಲ್ಲಿ ನಾಳೆ ಬೆಳಗ್ಗೆವರಗೆ ಮುಂದುವರಿಯಲಿದೆ ಕರ್ಫ್ಯೂ

ಮತ್ತೆ ನಗರದಲ್ಲಿ ನಾಳೆ ಬೆಳಗ್ಗೆ ಆರು ಗಂಟೆಯವರೆಗೆ ಕರ್ಫ್ಯೂ ಮುಂದುವರೆದಿದೆ.

ಮಂಗಳೂರು:ಇಂದು ಬೆಳಗ್ಗೆ ಆರು ಗಂಟೆಯಿಂದ ಸಡಿಲಿಕೆಗೊಂಡಿದ್ದ ಕರ್ಫ್ಯೂ ಸಂಜೆ ಆರು ಗಂಟೆಯಿಂದ ನಾಳೆ ಬೆಳಗ್ಗೆ ಆರು ಗಂಟೆಯವರೆಗೆ ಮತ್ತೆ ಮುಂದುವರಿಯಲಿದೆ.

ವ್ಯಾಪಾರಿಗಳು ಐದು ಗಂಟೆಯಿಂದಲೇ ತಮ್ಮ ವ್ಯಾಪಾರವನ್ನು ಸ್ಥಗಿತಗೊಳಿಸುತ್ತಿರುವುದರಿಂದ ಅಂಗಡಿ-ಮುಗ್ಗಟ್ಟುಗಳು ಸಂಜೆ ಆರು ಗಂಟೆಯಾಗುತ್ತಲೇ ಮುಚ್ಚಲ್ಪಟ್ಟವು. ಇನ್ನೂ ಮುಚ್ಚದ ಅಂಗಡಿಗಳಿಗೆ ಪೊಲೀಸರೇ ತೆರಳಿ ಮುಚ್ಚುವಂತೆ ಸೂಚನೆ ನೀಡಿದರು. ಕರ್ಫ್ಯೂ ಹಿನ್ನೆಲೆಯಲ್ಲಿ ಬಸ್​ಗಳು, ಆಟೋಗಳ ಸಂಚಾರ, ಜನ ಸಂಚಾರವೂ ಕಡಿಮೆಯಾಗಿತ್ತು.

ಪೊಲೀಸರು, ಗೃಹ ರಕ್ಷಕ ದಳದ ಸಿಬ್ಬಂದಿ, ಸಿಆರ್​ಪಿ ತುಕಡಿ ನಗರದ ಜಿಲ್ಲಾಧಿಕಾರಿ ಕಚೇರಿ ಮುಂಭಾಗ ಸಾಕಷ್ಟು ಪ್ರಮಾಣದಲ್ಲಿ ನಿಯೋಜನೆಗೊಂಡಿದ್ದು, ಜನರನ್ನು ಆದಷ್ಟು ಬೇಗನೆ ಮನೆ ಕಡೆಗೆ ತೆರಳುವಂತೆ ಮುನ್ಸೂಚನೆಯನ್ನು ಪೊಲೀಸರು ವಾಹನಗಳ ಮೂಲಕ ತಿಳಿಸುತ್ತ ಸಂಚರಿಸುವ ದೃಶ್ಯವೂ ಕಂಡು ಬಂದಿತು.