ಮಂಗಳೂರು: ಮದುವೆ ಮಂಟಪಕ್ಕೆ ವರನ ಮೊದಲ ಹೆಂಡತಿ ಎಂದು ಹೇಳಿ ಮಹಿಳೆಯೊಬ್ಬಳು ಬಂದಿದ್ದನ್ನು ನೋಡಿ ವರ ವಧುವಿನೊಂದಿಗೆ ಕಲ್ಯಾಣಮಂಟಪದಿಂದಲೇ ಕಾಲ್ಕಿತ್ತ ಘಟನೆ ಮಂಗಳೂರಿನ ಪಡುಪಣಂಬೂರಿನಲ್ಲಿ ನಡೆದಿದೆ.
ಪಡುಪಣಂಬೂರು ಬಳಿಯ ಕಲ್ಯಾಣ ಮಂಟಪವೊಂದರಲ್ಲಿ ಶಿವಮೊಗ್ಗ- ಮೂಡುಬಿದಿರೆ ರಸ್ತೆಯಲ್ಲಿ ಸಂಚರಿಸುವ ಖಾಸಗಿ ಬಸ್‌ನ ಚಾಲಕನ ವಿವಾಹ ಕಾರ್ಯಕ್ರಮ ನಡೆಯುತ್ತಿತ್ತು. ಈ ವೇಳೆ, ತಾನು ಈಗಾಗಲೇ ಆತನನ್ನು ಮದುವೆಯಾಗಿದ್ದೇನೆ ಎಂದು ಓರ್ವ ಮಹಿಳೆ ಕಲ್ಯಾಣ ಮಂಟಪದ ಹೊರಗಡೆ ಗಲಾಟೆ ಆರಂಭಿಸಿದ್ದಾಳೆ. ಈ ಬಗ್ಗೆ ಮಾಹಿತಿ ಅರಿತ ವರ ಸಸಿಹಿತ್ಲು ಮೂಲದ ಪ್ರೀತಿಸಿದ ವಧುವನ್ನು ಕಾರಿನಲ್ಲಿ ಕುಳ್ಳಿರಿಸಿಕೊಂಡು ಅಲ್ಲಿಂದ ಪರಾರಿಯಾಗಿದ್ದಾನೆ.