ಮಂಗಳೂರು :ವ್ಯಕ್ತಿಯೊಬ್ಬರಿಗೆ ಡೆಬಿಟ್ ಕಾರ್ಡ್ ಲಿಮಿಟೇಶನ್ ಹೆಚ್ಚಿಸುವ ಮತ್ತು ಕ್ರೆಡಿಟ್ ಕಾರ್ಡ್ನ ರಿವಾರ್ಡ್ ನೋಡುವ ನೆಪವೊಡ್ಡಿ ಒಟಿಪಿ ಪಡೆದು ವಂಚನೆ ಮಾಡಿದ ಘಟನೆ ಮಂಗಳೂರಿನಲ್ಲಿ ನಡೆದಿದೆ.
ಸೋಮವಾರ ಮಧ್ಯಾಹ್ನ 12 ಗಂಟೆಗೆ ವ್ಯಕ್ತಿಯೊಬ್ಬರಿಗೆ ಆಕ್ಸಿಸ್ ಬ್ಯಾಂಕ್ ಕ್ರೆಡಿಟ್ ಕಾರ್ಡ್ನವರೆಂದು ವ್ಯಕ್ತಿಯೊಬ್ಬ ಕರೆ ಮಾಡಿದ್ದನು. ಆಕ್ಸಿಸ್ ಬ್ಯಾಂಕ್ನ ರಿವಾರ್ಡ್ ಪಾಯಿಂಟ್ ಬಂದಿರುವುದಾಗಿ ತಿಳಿಸಿ ಅದನ್ನು ನೋಡಲು ಒಟಿಪಿ ಪಡೆದಿದ್ದನು. ಇನ್ನೊಮ್ಮೆ ರಿವಾರ್ಡ್ ಪಾಯಿಂಟ್ ಆ್ಯಕ್ಟಿವೇಶನ್ ಮಾಡಲು ಒಟಿಪಿ ಪಡೆದಿದ್ದನು.
ಮಧ್ಯಾಹ್ನದ ಬಳಿಕ ಮತ್ತೆ ಕರೆ ಮಾಡಿದ ಇದೇ ವ್ಯಕ್ತಿ ಡೆಬಿಟ್ ಕಾರ್ಡ್ ಲಿಮಿಟೇಶನ್ ಹೆಚ್ಚುಗೊಳಿಸುವ ನೆಪವೊಡ್ಡಿ ಡೆಬಿಟ್ ಕಾರ್ಡ್ನ ನಂಬರ್ ಮತ್ತು ಸಿವಿವಿ ನಂಬರ್ ಪಡೆದಿದ್ದಾನೆ.
ಬ್ಯಾಂಕ್ ಅಧಿಕಾರಿಯೆಂದು ಕರೆ ಮಾಡಿದ ವ್ಯಕ್ತಿ ಕ್ರೆಡಿಟ್ ಕಾರ್ಡ್ ಒಟಿಪಿ ಪಡೆದು ರೂ. 90 ಸಾವಿರ ಮತ್ತು ಡೆಬಿಟ್ ಕಾರ್ಡ್ ಸಿವಿವಿ ಪಡೆದು ರೂ. 90 ಸಾವಿರ ಲಪಟಾಯಿಸಿದ್ದಾನೆ. ಈ ಬಗ್ಗೆ ಮಂಗಳೂರಿನ ಸೆನ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ಇದನ್ನೂ ಓದಿ:ಬೆಂಗಳೂರಲ್ಲಿ ನಕಲಿ ದಾಖಲೆ ಸೃಷ್ಟಿಸಿ ಸೈಟ್‌ ಮಾರುತ್ತಿದ್ದ ಜಾಲ ಪತ್ತೆ: ಎಂಟು ಆರೋಪಿಗಳ ಬಂಧನ