ಮಂಗಳೂರಲ್ಲಿ ಗ್ಯಾಸ್​ ಸ್ಪೋಟಗೊಂಡು ಹೋಟೆಲ್​ಗೆ ಬೆಂಕಿ: ಓರ್ವನಿಗೆ ಗಾಯ

ಮಂಗಳೂರು ನಗರದ ಹೋಟೆಲ್​​ವೊಂದ ಅಡುಗೆ ಅನಿಲ ಸ್ಪೋಟಗೊಂಡು ಬೆಂಕಿ ತಗುಲಿದ್ದು, ಓರ್ವ ವ್ಯಕ್ತಿ ಗಾಯಗೊಂಡಿದ್ದಾನೆ.

ಮಂಗಳೂರು: ನಗರದ ರಾವ್ ಆ್ಯಂಡ್​ ರಾವ್ ಸರ್ಕಲ್ ನಲ್ಲಿರುವ ಹೋಟೆಲ್​​ವೊಂದರಲ್ಲಿ ಗ್ಯಾಸ್​ ಸ್ಫೋಟದಿಂದ ಬೆಂಕಿ‌ ಬಿದ್ದು ಓರ್ವ ಗಾಯಗೊಂಡಿದ್ದಾನೆ.

ರಾವ್ ಆ್ಯಂಡ್​ ರಾವ್ ಸರ್ಕಲ್ ಬಳಿಯ ಕಟ್ಟಡವೊಂದರಲ್ಲಿದ್ದ ಸಣ್ಣ ಹೋಟೆಲ್​ನಲ್ಲಿ ಈ ಅವಘಡ ಸಂಭವಿಸಿದೆ. ಗ್ಯಾಸ್ ನಿಂದ ಹೊರಬಂದ ಬೆಂಕಿ ಹೋಟೆಲ್ ಸಿಬ್ಬಂದಿ ಅಶ್ರಫ್ ಎಂಬುವರ ಮುಖಕ್ಕೆ ತಗುಲಿದ್ದು, ತೀವ್ರ ಗಾಯವಾಗಿದೆ. ಗಾಯಾಳುವನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ.

ಅಗ್ನಿಶಾಮಕದಳದ ಎರಡು ವಾಹನಗಳು ಸ್ಥಳಕ್ಕೆ ಆಗಮಿಸಿದ್ದು, ಸಿಬ್ಬಂದಿ ಬೆಂಕಿ ನಂದಿಸುವ ಕಾರ್ಯಾಚರಣೆ ನಡೆಸಿದರು.