ಮೇ 12ರಂದು ದುಬೈನಲ್ಲಿರುವ ಕರಾವಳಿಗರು ಮಂಗಳೂರಿಗೆ ವಾಪಸ್​: ಸದಾನಂದಗೌಡ​​

ಟ್ವೀಟ್​ ಮಾಡಿರುವ ಕೇಂದ್ರ ರಾಸಾಯನಿಕ ಹಾಗೂ ರಸಗೊಬ್ಬರ ಸಚಿವ ಡಿ.ವಿ.ಸದಾನಂದಗೌಡ, ಇದೇ ಮೇ 12ರಂದು ವಿದೇಶದಲ್ಲಿರುವ 177 ಕರಾವಳಿಗರು ಮಂಗಳೂರಿಗೆ ಬರಲಿದ್ದಾರೆ ಎಂದು ತಿಳಿಸಿದ್ದಾರೆ.

ಮಂಗಳೂರು: ದುಬೈನಿಂದ ಮೇ 14ರ ಬದಲು ಮೇ 12ರಂದೇ ವಿದೇಶದಲ್ಲಿರುವ ಕರಾವಳಿಗರು ಮಂಗಳೂರಿಗೆ ಬರಲಿದ್ದಾರೆ ಎಂದು ಕೇಂದ್ರ ರಾಸಾಯನಿಕ ಹಾಗೂ ರಸಗೊಬ್ಬರ ಸಚಿವ ಡಿ.ವಿ.ಸದಾನಂದಗೌಡ ಟ್ವೀಟ್​​ ಮಾಡುವ​​ ಮೂಲಕ ಮಾಹಿತಿ ನೀಡಿದ್ದಾರೆ.

ಕೇಂದ್ರ ಸಚಿವ ಸದಾನಂದಗೌಡ ಟ್ವೀಟ್​

ಮೇ 12ರಂದೇ ವಿಮಾನದ ಮೂಲಕ ಕರಾವಳಿಯ ವಿದೇಶಿ ಭಾರತೀಯರನ್ನು ಕರೆ ತರಲು ಏರ್ ಇಂಡಿಯಾ ಒಪ್ಪಿಗೆ ನೀಡಿದೆ. ಏರ್ ಇಂಡಿಯಾದ IX0384 ಸಂಖ್ಯೆಯ ವಿಮಾನದ ಮೂಲಕ ದುಬೈನಿಂದ ಮಂಗಳೂರಿಗೆ 177 ಮಂದಿ ಕನ್ನಡಿಗರು ಮಾತ್ರ ಪ್ರಯಾಣಿಸಲಿದ್ದಾರೆ. ಕಾಸರಗೋಡು ಭಾಗದ ಪ್ರಯಾಣಿಕರಿಗೆ ಈ ವಿಮಾನದಲ್ಲಿ ಬರಲು ಅವಕಾಶವಿಲ್ಲ.

ಅಂದು ಭಾರತೀಯ ಕಾಲಮಾನ ಸಂಜೆ 4.10ಕ್ಕೆ ಹೊರಡಲಿರುವ ವಿಮಾನ, ರಾತ್ರಿ ಸುಮಾರು 9.30ರ ವೇಳೆಗೆ ಮಂಗಳೂರು ತಲುಪಲಿದೆ. ದ.ಕ, ಉಡುಪಿ ಮತ್ತು ಉತ್ತರ ಕನ್ನಡ ಭಾಗದ ಪ್ರಯಾಣಿಕರು ಈ ವಿಮಾನದ ಮೂಲಕ ಕರಾವಳಿಗೆ ಬರಲಿದ್ದಾರೆ.