ಮಂಗಳೂರು: ಟ್ಯಾಂಕರ್ ಲಾರಿಯೊಂದು ಅತೀ ವೇಗವಾಗಿ ಬಂದು ಓವರ್ ಟೇಕ್ ಮಾಡಿದಾಗ, ಡಿಕ್ಕಿ ತಪ್ಪಿಸಲು ಹೋದ ಕೆಎಸ್ಆರ್ಟಿಸಿ ಬಸ್ ಚಾಲಕ ಬಸ್ನ ರಸ್ತೆಯಿಂದ ಕೆಳಗಿಳಿಸಿ ಭಾರಿ ದುರಂತ ತಪ್ಪಿಸಿದ್ದಾನೆ.
ಬಸ್ ಪಕ್ಕಕ್ಕೆ ವಾಲಿಕೊಂಡ ಪರಿಣಾಮ ಬಸ್ನಲ್ಲಿದ್ದ ಪ್ರಯಾಣಿಕರು ಎಮರ್ಜೆನ್ಸಿ ಬಾಗಿಲು ಮತ್ತು ಚಾಲಕನ ಬಾಗಿಲಿನಿಂದ ಹೊರ ಬಂದರು. ಘಟನೆಯಲ್ಲಿ ಬಸ್ ನಿರ್ವಾಹಕನಿಗೆ ಸಣ್ಣಪುಟ್ಟ ಗಾಯವಾಗಿದೆ.
ಡಿಕ್ಕಿ ತಪ್ಪಿಸಲು ಬಸ್ನನ್ನು ರಸ್ತೆ ಕೆಳಗಿಳಿಸಿದ ಚಾಲಕ ಕುಕ್ಕೆ ಸುಬ್ರಹ್ಮಣ್ಯದಿಂದ ಮಂಗಳೂರಿಗೆ ಬರುತ್ತಿದ್ದ ಬಸ್ಗೆ ಮಾಣಿಯಲ್ಲಿ ಟ್ಯಾಂಕರ್ ಲಾರಿಯೊಂದು ಎದುರಿಗಿರುವ ವಾಹನವೊಂದನ್ನು ಓವರ್ ಟೇಕ್ ಮಾಡಿ, ಡಿಕ್ಕಿ ಹೊಡೆಯುವ ಸಾಧ್ಯತೆಯಿತ್ತು.
ಇದನ್ನ ಕಂಡು ತಕ್ಷಣವೇ ಎಚ್ಚೆತ್ತ ಕೆಎಸ್ಆರ್ಟಿಸಿ ಬಸ್ ಚಾಲಕ ಬಸ್ನ ರಸ್ತೆಯಿಂದ ಪಕ್ಕಕ್ಕೆ ಇಳಿಸಿದ್ದಾನೆ. ಬಸ್ ಪಕ್ಕಕ್ಕೆ ವಾಲಿಕೊಂಡ ಪರಿಣಾಮ ಬಸ್ನಲ್ಲಿದ್ದ 40 ಪ್ರಯಾಣಿಕರು ತುರ್ತು ನಿರ್ಗಮನ ಮತ್ತು ಚಾಲಕನ ಬಾಗಿಲಿನಿಂದ ಹೊರಗಿಳಿದು ಬಂದಿದ್ದಾರೆ. ಈ ಘಟನೆ ವಿಟ್ಲ ಠಾಣೆ ವ್ಯಾಪ್ತಿಯಲ್ಲಿ ನಡೆದಿದೆ.
