ದಕ್ಷಿಣ ಕನ್ನಡ: ನೆಲ್ಯಾಡಿ ಸಮೀಪದ ಮಾದೇರಿ ಎಂಬಲ್ಲಿ ವಾಸವಿರುವ ಪ್ರೌಢಶಾಲಾ ಶಿಕ್ಷಕಿಯ ಬ್ಯಾಂಕ್ ಖಾತೆಯನ್ನು ಹ್ಯಾಕ್ ಮಾಡಿ 7.47 ಲಕ್ಷ ರೂ. ಖನ್ನ ಹಾಕಿರುವ ಘಟನೆ ಮಾದೇರಿಯಲ್ಲಿ ನಡೆದಿದೆ.
ವಂಚಕರು ಎಟಿಎಂ ಕಾರ್ಡ್ ಬ್ಲಾಕ್ ಆಗಿರುವುದಾಗಿ ಮೊದಲಿಗೆ ಮೆಸೇಜ್ ಕಳುಹಿಸಿದ್ದಾರೆ. ನಂತರ ಕೆವೈಸಿ ಅಪ್ಡೇಟ್ ಮಾಡುಲು ನಂಬರ್ ಒಂದನ್ನು ನೀಡಿ ಅದಕ್ಕೆ ಕರೆ ಮಾಡುವಂತೆ ಮೆಸೇಜ್ ರವಾನಿಸಿದ್ದಾರೆ. ಕೊಟ್ಟಿರುವ ನಂಬರಿಗೆ ಶಿಕ್ಷಕಿಯ ಮಗ ಕರೆ ಮಾಡಿ ಮಾತನಾಡಿದಾಗ, ನಿಮ್ಮ ಖಾತೆಯ ಪಿನ್ ಜನರೇಟ್ ಮಾಡಲು ನಿಮ್ಮ ಮನೆಯಲ್ಲಿರುವ ಇನ್ನೊಬ್ಬರ ಎಸ್ಬಿಐ ಖಾತೆ ನಂಬರ್ ಹಾಗೂ ಮೊಬೈಲ್ ನಂಬರ್ ನೀಡುವಂತೆ ವಂಚಕರು ತಿಳಿಸಿದ್ದಾರೆ.
ನಂತರ ಕರೆ ಮಾಡಿ ಮೊಬೈಲ್ಗೆ ಬಂದಿದ್ದ ಒಟಿಪಿ ಸಂಖ್ಯೆಯನ್ನು ಪಡೆದಿದ್ದಾರೆ. ಬಳಿಕ ಹತ್ತಿರದ ಎಟಿಎಂಗೆ ಹೋಗಲು ತಿಳಿಸಿ ತಾವು ಹೇಳುವ ಎಲ್ಲ ಕೆಲಸವನ್ನು ಮಾಡುವಂತೆ ಹೇಳುತ್ತಾರೆ. ಇದಾದ ಬಳಿಕ ಅವ ಖಾತೆಗೆ ಆನ್ಲೈನ್ ಮೂಲಕ 8 ಲಕ್ಷ ರೂ. ಲೋನ್ ಪಡೆದು ಅದರಲ್ಲಿ 7.47 ಲಕ್ಷ ರೂ ಕದ್ದಿದ್ದಾರೆ. ಬಳಿಕ ಶಿಕ್ಷಕಿ ಬ್ಯಾಂಕ್ಗೆ ಹೋಗಿ ವಿಚಾರಿಸಿದಾಗ ತಮ್ಮ ಖಾತೆಯಿಂದ ದುಡ್ಡು ಕದ್ದಿರುವುದ ತಿಳಿದು ಬಂದಿದೆ. ಸಿಇಎನ್‌ ಪೊಲೀಸ್‌ ಠಾಣೆಯಲ್ಲಿ ಮಹಿಳೆ ದೂರು ನೀಡಿದ್ದಾರೆ.
ಒಟ್ಟಿನಲ್ಲಿ ಕನಿಷ್ಠ 10 ಸಾವಿರ ಲೋನ್ ಪಡೆಯಲು ಹಲವು ದಾಖಲೆಗಳನ್ನು ಬ್ಯಾಂಕಿಗೆ ಸಲ್ಲಿಸಬೇಕಾದ ಈ ಕಾಲದಲ್ಲಿ ಬ್ಯಾಂಕ್ ಗಳ ಸುರಕ್ಷತೆ ಬಗ್ಗೆ ಜನ ಪ್ರಶ್ನೆ ಮಾಡುವಂತಾಗಿದೆ.
ಇದನ್ನೂ ಓದಿ:ವಿಜಯಪುರ: ಅಪ್ರಾಪ್ತೆ ಮೇಲೆ ಅತ್ಯಾಚಾರ.. ಅಪರಾಧಿಗೆ 10 ವರ್ಷ ಜೈಲು ಶಿಕ್ಷೆ