ಮಂಗಳೂರಿನಲ್ಲಿ ಮುಂದುವರೆದ ಕರ್ಫ್ಯೂ: ಇಂದು ನಡೆಯಬೇಕಿದ್ದ ಮೂಡಬಿದಿರೆ ಕಂಬಳ ಮುಂದೂಡಿಕೆ

ನಗರದಲ್ಲಿ ನಡೆದ ಹಿಂಸಾಚಾರ ಘಟನೆ ಬಳಿಕ ಡಿ. 22ರವರೆಗೆ ಕರ್ಫ್ಯೂ ಜಾರಿಯಲ್ಲಿರುವುದರಿಂದ ಮೂಡಬಿದಿರೆಯ ಕೋಟಿ ಚೆನ್ನಯ ಕಂಬಳವನ್ನು ಮುಂದೂಡಲಾಗಿದೆ.

ಮಂಗಳೂರು: ನಗರದಲ್ಲಿ ನಡೆದ ಹಿಂಸಾಚಾರ ಘಟನೆ ಬಳಿಕ ಡಿ. 22ರವರೆಗೆ ಕರ್ಫ್ಯೂ ಜಾರಿಯಲ್ಲಿರುವುದರಿಂದ ಮೂಡಬಿದಿರೆಯ ಕೋಟಿ ಚೆನ್ನಯ ಕಂಬಳವನ್ನು ಮುಂದೂಡಲಾಗಿದೆ. ಈ ಕಂಬಳವನ್ನು ಇಂದು ಮುಖ್ಯಮಂತ್ರಿಗಳು ಉದ್ಘಾಟಿಸಬೇಕಿತ್ತು.

ಮಂಗಳೂರಿನಲ್ಲಿ ಕರ್ಫ್ಯೂ ಇರುವುದರಿಂದ ಪೊಲೀಸ್​ ಇಲಾಖೆಯ ವಿನಂತಿ ಮೇರೆಗೆ ಡಿ. 25ಕ್ಕೆ ಕಂಬಳ ಮುಂದೂಡಲಾಗಿದೆ ಎಂದು ಕಂಬಳ ಸಮಿತಿ ಅಧ್ಯಕ್ಷ ಶಾಸಕ ಎ.ಉಮಾನಾಥ್​ ಕೋಟ್ಯಾನ್​ ತಿಳಿಸಿದ್ದಾರೆ.