ಕಡಬದ ವ್ಯಕ್ತಿಯಲ್ಲಿ ಕೊರೊನಾ: 162 ಮಂದಿಗೆ ಹೋಮ್​​ ಕ್ವಾರಂಟೈನ್​​

ಕಿಡ್ನಿ ಸಂಬಂಧಿತ ಕಾಯಿಲೆ ಕಾರಣದಿಂದಾಗಿ ಮಂಗಳೂರಿನ ಖಾಸಗಿ ಆಸ್ಪತ್ರೆಗೆ ವ್ಯಕ್ತಿ ದಾಖಲಾಗಿದ್ದು, ಬಳಿಕ ಗಂಟಲು ದ್ರವ ಪರೀಕ್ಷೆ ಮಾಡಿದಾಗ ಸೋಂಕು ತಗುಲಿರುವುದು ದೃಢವಾಗಿದೆ. ಈ ವ್ಯಕ್ತಿ ಕಡಬದ ಪ್ರಾಥಮಿಕ ಕೃಷಿ ಪತ್ತಿನ ಸಹಕಾರ ಸಂಘ ಸೇರಿದಂತೆ ಬ್ಯಾಂಕ್​​ಗೆ ಭೇಟಿ ನೀಡಿದ್ದರು.

ಕಡಬ ( ದಕ್ಷಿಣ ಕನ್ನಡ): ತಾಲೂಕಿನ ವ್ಯಕ್ತಿಯೊಬ್ಬರಲ್ಲಿ ಕೊರೊನಾ ಸೋಂಕು ದೃಢಪಟ್ಟ ಹಿನ್ನೆಲೆ, ಕಡಬದ ಬ್ಯಾಂಕ್ ಮತ್ತು ಕೃಷಿ ಸಹಕಾರಿ ಸಂಘದ ಸಿಬ್ಬಂದಿ ಸೇರಿದಂತೆ ಒಟ್ಟು 162 ಮಂದಿಗೆ ಹೋಮ್​​ ಕ್ವಾರಂಟೈನ್ ಮಾಡುವ ಬಗ್ಗೆ ಚರ್ಚೆ ನಡೆಸಿ ಪಟ್ಟಿ ಬಿಡುಗಡೆ ಮಾಡಲಾಗಿದೆ.

ಕಿಡ್ನಿ ಸಂಬಂಧಿತ ಕಾಯಿಲೆ ಕಾರಣದಿಂದಾಗಿ ಮಂಗಳೂರಿನ ಖಾಸಗಿ ಆಸ್ಪತ್ರೆಗೆ ವ್ಯಕ್ತಿ ದಾಖಲಾಗಿದ್ದು, ಬಳಿಕ ಗಂಟಲು ದ್ರವ ಪರೀಕ್ಷೆ ಮಾಡಿದಾಗ ಸೋಂಕು ತಗುಲಿರುವುದು ದೃಢವಾಗಿದೆ. ಈ ವ್ಯಕ್ತಿ ಕಡಬದ ಪ್ರಾಥಮಿಕ ಕೃಷಿ ಪತ್ತಿನ ಸಹಕಾರ ಸಂಘದ ಬ್ಯಾಂಕ್​ಗೆ ಭೇಟಿ ನೀಡಿದ್ದರು.

ಬ್ಯಾಂಕ್​ನ 22 ಮಂದಿ ಮತ್ತು ಬ್ಯಾಂಕ್​ಗೆ ಆಗಮಿಸಿದ್ದ 140 ಜನ ಬ್ಯಾಂಕ್​ ಗ್ರಾಹಕರು ಸೇರಿ ಒಟ್ಟು 162 ಮಂದಿಯನ್ನು ಸುರಕ್ಷತಾ ದೃಷ್ಟಿಯಿಂದ ಹೋಮ್​ ಕ್ವಾರಂಟೈನ್ ಮಾಡುವ ಬಗ್ಗೆ ಚರ್ಚೆ ನಡೆದಿದೆ. ಈ ಹಿನ್ನೆಲೆ ಕಡಬದ ಕೃಷಿ ಸಹಕಾರಿ ಸಂಘದಿಂದ ಪಟ್ಟಿ ಬಿಡುಗಡೆ ಮಾಡಲಾಗಿದೆ.