ಮಂಗಳೂರು: ಪೊಲೀಸ್ ಶ್ವಾನಕ್ಕೆ 'ಚಾರ್ಲಿ' ನಾಮಕರಣ

ಮಂಗಳೂರಿನಲ್ಲಿ ನಿನ್ನೆ 'ಚಾರ್ಲಿ 777' ಪ್ರೀಮಿಯರ್ ಶೋ ನಡೆದಿದ್ದು, ಪೊಲೀಸ್ ಅಧಿಕಾರಿಗಳು ಸಿನಿಮಾ ವೀಕ್ಷಿಸಿದ್ದರು. ಇಂದು ಇಲಾಖೆಗೆ ಹೊಸತಾಗಿ ಸೇರಿರುವ ಶ್ವಾನಕ್ಕೆ 'ಚಾರ್ಲಿ' ಎಂದು ನಾಮಕರಣ ಮಾಡಿದ್ದಾರೆ.

ಮಂಗಳೂರು:ರಕ್ಷಿತ್‌ ಶೆಟ್ಟಿ ಅಭಿನಯದ'ಚಾರ್ಲಿ 777' ಸಿನಿಮಾದ ಪ್ರಭಾವದಿಂದಾಗಿ ನಗರ ಪೊಲೀಸ್ ‌ಕಮೀಷನರ್ ಕಚೇರಿಯ ಆವರಣದಲ್ಲಿರುವ ಸಿಎಆರ್ ವಿಭಾಗದ ಪೊಲೀಸ್ ಶ್ವಾನಕ್ಕೆ ಚಾರ್ಲಿ ಎಂಬ ಹೆಸರಿಡಲಾಗಿದೆ.

ಲ್ಯಾಬ್ರೊಡರ್ ರಿಟ್ರಿವರ್ ಜಾತಿಯ ಶ್ವಾನ ಕಳೆದ ಮಾರ್ಚ್ 16ರಂದು ಜನಿಸಿದೆ. ಈ ಶ್ವಾನಕ್ಕೀಗ 3 ತಿಂಗಳು ತುಂಬಿದೆ. ಸರ್ಕಾರದ ನಿಯಮಾವಳಿಯಂತೆ ಶ್ವಾನವನ್ನು 20 ಸಾವಿರ ರೂ.ಗೆ ಬಂಟ್ವಾಳದ ವ್ಯಕ್ತಿಯೊಬ್ಬರಿಂದ ಖರೀದಿಸಲಾಗಿತ್ತು. ಈ ನಾಯಿಯನ್ನು ಬಾಂಬ್ ಪತ್ತೆ ಮತ್ತು ನಿಷ್ಕ್ರೀಯಕ್ಕೆ ತರಬೇತುಗೊಳಿಸಲು ನಿರ್ಧರಿಸಲಾಗಿದೆ. ಮೂರ್ನಾಲ್ಕು ತಿಂಗಳ ಬಳಿಕ ಆರು ತಿಂಗಳ ತರಭೇತಿಗೆ ಬೆಂಗಳೂರಿಗೆ ಕಳುಹಿಸಲಾಗುತ್ತದೆ. ಅದಾದ ಬಳಿಕ ಚಾರ್ಲಿಯನ್ನು ಕರ್ತವ್ಯಕ್ಕೆ ನಿಯೋಜಿಸಲಾಗುತ್ತದೆ.

ಇದನ್ನೂ ಓದಿ:ಶ್ರೀನಿವಾಸ್ ಗೌಡನಿಗೆ ಮಾನ ಮರ್ಯಾದೆ ಇದ್ದರೆ ರಿಸೈನ್​ ಮಾಡಿ ರಾಜಕಾರಣ ಮಾಡಲಿ: ಹೆಚ್​​ಡಿಕೆ ವಾಗ್ದಾಳಿ