ಸುಬ್ರಹ್ಮಣ್ಯ:ವಿಶ್ವಪ್ರಸಿದ್ಧ ಧಾರ್ಮಿಕ ಕೇಂದ್ರ ಕುಕ್ಕೆ ಸುಬ್ರಹ್ಮಣ್ಯದ ಚಂಪಾಷಷ್ಠಿ ಮಹೋತ್ಸವವು ಇದೇ 01-12-2021ರಿಂದ ದಿನಾಂಕ 15-12-2021ರ ವರೆಗೆ ನಡೆಯಲಿದೆ.
ಮಹತೋಭಾರ ಕುಕ್ಕೆ ಶ್ರೀ ಸುಬ್ರಹ್ಮಣ್ಯ ದೇವಸ್ಥಾನದಲ್ಲಿ ಪೂರ್ವಶಿಷ್ಟ ಸಂಪ್ರದಾಯದಂತೆ ನಡೆದು ಬರುತ್ತಿರುವ ಚಂಪಾಷಷ್ಠಿ ಮಹೋತ್ಸವ ಇದೇ ಪ್ಲವ ನಾಮ ಸಂವತ್ಸರದ ಕಾರ್ತಿಕ ಬಹುಳ ದ್ವಾದಶಿ ಬುಧವಾರ 01-12-2021 ದಿಂದ ಲಾಗ್ಯಾತು ಮಾರ್ಗಶಿರ ಶುದ್ಧ ದ್ವಾದಶಿ ಬುಧವಾರ ದಿನಾಂಕ 15-12-2021ರ ವರೆಗೆ ಈ ಕೆಳಗಿನ ವಿವರದಂತೆ ವಾರ್ಷಿಕ ಜಾತ್ರಾ ಉತ್ಸವಾದಿಗಳು ಭಗವತ್ಸಂಕಲ್ಪ ಪ್ರಕಾರ ನಡೆಯಲಿದೆ.
ಕಾರ್ಯಕ್ರಮಗಳ ವಿವರ:
- 01-12-2021 ಬುಧವಾರ ಕೊಪ್ಪರಿಗೆ ಏರುವುದು, ರಾತ್ರಿ ಶೇಷವಾಹನಯುಕ್ತ ಬಂಡಿ ಉತ್ಸವ
- 02-12-2021 ಗುರುವಾರ ರಾತ್ರಿ ಶೇಷವಾಹನಯುಕ್ತ ಬಂಡಿ ಉತ್ಸವ
- 03-12-2021 ಶುಕ್ರವಾರ ಲಕ್ಷದೀಪೋತ್ಸವ
- 04-12-2021 ಶನಿವಾರ ಶೇಷವಾಹನೋತ್ಸವ
- 05-12-2021 ಆದಿತ್ಯವಾರ ಅಶ್ವವಾಹನೋತ್ಸವ
- 06-12-2021 ಸೋಮವಾರ ಮಯೂರ ವಾಹನೋತ್ಸವ
- 07-12-2021 ಮಂಗಳವಾರ ರಾತ್ರಿ ಹೂವಿನ ತೇರಿನ ಉತ್ಸವ
- 08-12-2021 ಬುಧವಾರ ತೈಲಾಭ್ಯಂಜನ, ರಾತ್ರಿ ಪಂಚಮಿ ರಥೋತ್ಸವ
- 09-12-2021 ಗುರುವಾರದಂದು ಪ್ರಾತಃ ಕಾಲದಲ್ಲಿ ಚಂಪಾಷಷ್ಠಿಯ ಮಹಾರಥೋತ್ಸವ
- 10-12-2021 ಶುಕ್ರವಾರ ಅವಧೃತೋತ್ಸವ ಮತ್ತು ಶ್ರೀ ದೇವರ ನೌಕಾವಿಹಾರ
- 15-12-2021 ಬುಧವಾರ ಕೊಪ್ಪರಿಗೆ ಇಳಿಯುವುದು, ರಾತ್ರಿ ನೀರುಬಂಡಿ ಉತ್ಸವ ನಡೆಯಲಿದೆ ಎಂದು ಆಮಂತ್ರಣ ಪತ್ರಿಕೆ ಬಿಡುಗಡೆ ಮಾಡಲಾಗಿದೆ.
ಚಂಪಾಷಷ್ಠಿ ಮಹೋತ್ಸವದ ಆಮಂತ್ರಣ ಪತ್ರಿಕೆ
ದಿನಾಂಕ 30-11-2021 ಮಂಗಳವಾರ ಪ್ರಸಿದ್ದ "ಮೂಲಮೃತ್ತಿಕಾ" ಪ್ರಸಾದ ವಿತರಣೆ ನಡೆಯಲಿದೆ. ಕಿರುಷಷ್ಠಿ ಮಹೋತ್ಸವವು ದಿನಾಂಕ 08-01-2022 ರಂದು ಜರುಗುವುದು. ದಿನಾಂಕ 01-12-2021 ರಿಂದ 03-12-2021ರ ವರೆಗೆ ಭಕ್ತಾದಿಗಳು ದೇಗುಲಕ್ಕೆ ಒಪ್ಪಿಸುವ ಹಸಿರು ಕಾಣಿಕೆಗಳನ್ನು ಕೃತಜ್ಞತಾ ಪೂರ್ವಕವಾಗಿ ಸ್ವೀಕರಿಸಲಾಗುವುದು ಎಂದು ತಿಳಿದು ಬಂದಿದೆ.
