ಮಂಗಳೂರು ವಿಮಾನ ನಿಲ್ದಾಣದಲ್ಲಿ ಬಂದಿಳಿದ ಬೃಹತ್‌ C-17 ಗ್ಲೋಬ್ ಮಾಸ್ಟರ್

ಮಂಗಳೂರು ವಿಮಾನ ನಿಲ್ದಾಣದಲ್ಲಿ ಬೃಹತ್​ ವಿಮಾನ ಸಿ-17 ಗ್ಲೋಬ್ ಮಾಸ್ಟರ್ ಲ್ಯಾಂಡ್​ ಆಗಿದೆ. ಕುವೈತ್​ನಿಂದ ಇತ್ತೀಚೆಗೆ ಎನ್ಎಂಪಿಟಿಗೆ ಬಂದಿರುವ ಆಕ್ಸಿಜನ್ ಟ್ಯಾಂಕರ್​ಗಳು ಖಾಲಿಯಾದ ಬಳಿಕ ಅವುಗಳನ್ನು ಮರಳಿ ಕೊಂಡೊಯ್ಯಲು ಈ ವಿಮಾನ ಆಗಮಿಸಿದೆ.

ಮಂಗಳೂರು:ನಗರದ ಬಜ್ಪೆಯಲ್ಲಿರುವ ಮಂಗಳೂರು ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ನಿನ್ನೆ ಅತೀ ಬೃಹತ್ ಗಾತ್ರದ್ದೆನ್ನಲಾದ ವಿಮಾನವೊಂದು ಭೂಸ್ಪರ್ಶಿಸಿದೆ.

ಇಂಡಿಯನ್ ಏರ್ ಫೋರ್ಸ್‌ನ ಸಿ-17 ಗ್ಲೋಬ್​ ಮಾಸ್ಟರ್ ಹೆಸರಿನ ವಿಮಾನ ಇದಾಗಿದ್ದು, ವಿಮಾನ ಒಟ್ಟು ನಾಲ್ಕು ಎಂಜಿನ್‌ಗಳನ್ನು ಹೊಂದಿದೆ. ಕುವೈತ್​ನಿಂದ ಇತ್ತೀಚೆಗೆ ಎನ್ಎಂಪಿಟಿಗೆ ಬಂದಿರುವ ಆಕ್ಸಿಜನ್ ಟ್ಯಾಂಕರ್​ಗಳು ಖಾಲಿಯಾದ ಬಳಿಕ ಅವುಗಳನ್ನು ಮರಳಿ ಕೊಂಡೊಯ್ಯಲು ಈ ವಿಮಾನ ಆಗಮಿಸಿದೆ.

ಸಿ-17 ಗ್ಲೋಬ್ ಮಾಸ್ಟರ್ ಬೃಹತ್ ಗಾತ್ರದ ಸರಕುಗಳನ್ನು ಸರಬರಾಜು ಮಾಡುವ ಸಾಮರ್ಥ್ಯ ಹೊಂದಿದೆ. ಟ್ಯಾಂಕರ್ ಹಾಗೂ ಇನ್ನಿತರ ಘನ ವಾಹನಗಳನ್ನು ಸುಲಭವಾಗಿ ಒಂದೆಡೆಯಿಂದ ಇನ್ನೊಂದೆಡೆಗೆ ಇದು ಹೊತ್ತೊಯ್ಯುತ್ತದೆ.

ಕ್ಲಿಷ್ಟವಾದ ಭೂಪ್ರದೇಶಗಳಲ್ಲಿಯೂ, ಕಿರಿದಾದ ವಾಯು ನೆಲೆಗಳಲ್ಲಿಯೂ ಸುಲಭವಾಗಿ ಲ್ಯಾಂಡ್ ಆಗುವ ನೈಪುಣ್ಯತೆ ಇದಕ್ಕಿದೆ.