ತಮ್ಮ ಊಟವನ್ನೇ ಹಸಿದ ಕಾರ್ಮಿಕರಿಗೆ ನೀಡಿದ ಪೊಲೀಸರು

ಬಂಟ್ವಾಳ ತಾಲೂಕಿನ ಗ್ರಾಮಾಂತರ ಠಾಣಾ ಪೊಲೀಸರು, ಕೊಪ್ಪಳ ಮೂಲದ 12 ಕಾರ್ಮಿಕರಿಗೆ ತಮಗಾಗಿ ತಂದಿದ್ದ ಮಧ್ಯಾಹ್ನದ ಊಟ ನೀಡುವ ಮೂಲಕ ಮಾನವೀಯತೆ ಮೆರೆದರು.

ದಕ್ಷಿಣಕನ್ನಡ:ಬಂಟ್ವಾಳ ತಾಲೂಕಿನ ಗ್ರಾಮಾಂತರ ಠಾಣಾ ಪೊಲೀಸರು, ಕೊಪ್ಪಳ ಮೂಲದ 12 ಕಾರ್ಮಿಕರಿಗೆ ತಮಗಾಗಿ ತಂದಿದ್ದ ಮಧ್ಯಾಹ್ನದ ಊಟ ನೀಡುವ ಮೂಲಕ ಮಾನವೀಯತೆ ಮೆರೆದರು.

ಕೊಪ್ಪಳ ಮೂಲದ 12 ಮಂದಿ ಕೆಲಸವಿಲ್ಲದೇ ಕಾಲ್ನಡಿಗೆಯಲ್ಲಿ ಬಿ.ಸಿ.ರೋಡ್ ಗೆ ಬಂದಿದ್ದ ಸಂದರ್ಭ ಟೋಲ್​ಗೇಟ್​ ಸಮೀಪ ಪೊಲೀಸರ ಕಣ್ಣಿಗೆ ಬಿದ್ದರು. ಈ ವೇಳೆ ಗ್ರಾಮಾಂತರ ಠಾಣಾ ಎಸ್​ಐ ಪ್ರಸನ್ನ ಅವರಿಗೆ ಫರಂಗಿಪೇಟೆಯ ತನ್ನ ಸಿಬ್ಬಂದಿಗೆಂದು ತರಿಸಿಕೊಟ್ಟ ಊಟವನ್ನೇ ನೀಡಿ ಮಾನವೀಯತೆ ಮೆರೆದರು.

ಬಳಿಕ ತಾಲೂಕು ಆಡಳಿತಕ್ಕೆ ಕಾರ್ಮಿಕರ ಕುರಿತು ಗಮನಕ್ಕೆ ತಂದಿದ್ದು, ಸೂಕ್ತ ವ್ಯವಸ್ಥೆ ಕಲ್ಪಿಸುವತ್ತ ತಾಲೂಕು ಆಡಳಿತ ಹೊರಟಿದೆ. ಎ.ಎಸ್.ರಮೇಶ್, ಸಿಬ್ಬಂದಿಗಳಾದ ನಜೀರ್ ಸೋಮಶೇಖರ್ ಕಾರ್ಮಿಕರಿಗೆ ಊಟ ವಿತರಿಸಿದರು.