ಮರವೂರು ಸೇತುವೆ ಕುಸಿಯುವ ಬಗ್ಗೆ ತಿಂಗಳ ಹಿಂದೇ ಎಚ್ಚರಿಸಿದ್ದ ವ್ಯಕ್ತಿ: ವಿಡಿಯೋ

ವ್ಯಕ್ತಿಯೊಬ್ಬರು ಒಂದು ತಿಂಗಳ ಹಿಂದೆಯೇ ಮರವೂರು ಸೇತುವೆ ಕುಸಿಯುವ ಭೀತಿ ಬಗ್ಗೆ ಎಚ್ಚರಿಸಿದ್ದು, ಆ ವಿಡಿಯೋ ಈಗ ಬೆಳಕಿಗೆ ಬಂದಿದೆ.

ಮಂಗಳೂರು:ಮಂಗಳೂರು ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣವನ್ನು ಸಂಪರ್ಕಿಸುವ ಪ್ರಮುಖ ಮಾರ್ಗದಲ್ಲಿನ ಮರವೂರು ಸೇತುವೆ ನಿನ್ನೆ ಬೆಳಗ್ಗೆ ಪಿಲ್ಲರ್​ವೊಂದು ಸ್ವಲ್ಪ ಮಟ್ಟಕ್ಕೆ​ ಕುಸಿದಿದ್ದು, ಈ ಅಪಾಯದ ಮುನ್ಸೂಚನೆ ಬಗ್ಗೆ ತಿಂಗಳ ಮೊದಲೇ ಆ ಮಾರ್ಗದಲ್ಲಿ ನಿತ್ಯ ಸಂಚಾರ ಮಾಡುವ ವ್ಯಕ್ತಿಯೊಬ್ಬರು ತಿಳಿಸಿದ್ದರು. ಈ ವಿಚಾರ ಇದೀಗ ಬೆಳಕಿಗೆ ಬಂದಿದೆ.

ಕಳವಾರು ಮೊಹಮ್ಮದ್ ಎಂಬವರು ಪ್ರತಿನಿತ್ಯವೂ ಮರವೂರು ಸೇತುವೆ ದಾರಿಯಾಗಿಯೇ ಸಂಚರಿಸುತ್ತಿರುತ್ತಾರೆ. ಮೇ 15ರಂದು ಮರವೂರು ಸೇತುವೆ ಮೇಲೆ ಸಂಚರಿಸುತ್ತಿದ್ದರು. ಈ ವೇಳೆ ಸೇತುವೆಯಲ್ಲಿನ ಬಿರುಕು ಕಣ್ಣಿಗೆ ಬಿದ್ದಿದೆ. ತಕ್ಷಣ ವಾಹನ ನಿಲ್ಲಿಸಿ ವಿಡಿಯೋ ಮಾಡಿದ್ದಾರೆ.

ಮೊಹಮ್ಮದ್

ಅವರು ಮಾಡಿರುವ ವೀಡಿಯೊವನ್ನು ಬಜಪೆಯ ಫೋರ್ಜಿ ಗೈಸ್ ಎಂಬ ವಾಟ್ಸ್‌ಆ್ಯಪ್ ಗ್ರೂಪ್​ಗೆ ಫಾರ್ವರ್ಡ್ ಮಾಡಿದ್ದರು. ಅದನ್ನು ಗಮನಿಸಿದ ಹಲವರು ಅವರಿಗೆ ಕರೆ ಮಾಡಿ ಸೇತುವೆ ಬಗ್ಗೆ ವಿಚಾರಿಸಿದರು. ಅವರು ಸೇತುವೆ ಕುಸಿಯುವ ಭೀತಿ ಬಗ್ಗೆ ಹೇಳಿಕೊಂಡಿದ್ದರು.

ಈ ಘಟನೆ ನಡೆದು ಇದೀಗ ಒಂದು ತಿಂಗಳು ಕಳೆದಿದ್ದು, ನಿನ್ನೆ ಮರವೂರು ಸೇತುವೆ ಬೆಳಗಿನ ಜಾವ ಸ್ವಲ್ಪರ ಮಟ್ಟಿಗೆ ಕುಸಿದಿದೆ. ಈಗ ಈ ವಿಡಿಯೋ ಬೆಳಕಿಗೆ ಬಂದಿದೆ.

ಓದಿ:ಮರವೂರು ಸೇತುವೆಯಲ್ಲಿ ಬಿರುಕು; ಏರ್ಪೋರ್ಟ್‌ಗೆ ಸಂಪರ್ಕ ಕಡಿತ- ಹೀಗಿದೆ ಪರ್ಯಾಯ ವ್ಯವಸ್ಥೆ..