ಮಂಗಳೂರು: ಮಂಗಳೂರಿನ ಬೊಕ್ಕಪಟ್ಣದಲ್ಲಿ ಇಂದ್ರಜಿತ್ (28 ) ಎಂಬ ಯುವಕನನ್ನು ಕೊಲೆಗೈದ ಪ್ರಕರಣಕ್ಕೆ ಸಂಬಂಧಿಸಿದಂತೆ 9 ಮಂದಿಯನ್ನು ಮಂಗಳೂರು ಪೊಲೀಸರು ಬಂಧಿಸಿದ್ದಾರೆ.
ಬೋಳೂರಿನ ಮೋಕ್ಷಿತ್, ಉಲ್ಲಾಸ್ ಕಾಂಚನ್, ಆಶಿಕ್, ರಾಕೇಶ್, ಗೌತಮ್, ಕೌಶಿಕ್, ಜಗದೀಶ್ ಯಾನೆ ತಲವಾರ್ ಜಗ್ಗ, ಶರಣ್ ಮತ್ತು ಫರಂಗಿ ಪೇಟೆಯ ನಿತಿನ್ ಬಂಧಿತರು.
ಇದನ್ನೂ ಓದಿ: ದಂಪತಿ ನಡುವೆ ಜಗಳ : ಪತ್ನಿ ಕೊಲೆಗೈದ ಪತಿ
ಇವರು ಇಂದ್ರಜಿತ್ನನ್ನು ಮಂಗಳೂರಿನ ಬೊಕ್ಕಪಟ್ಣದ ಕರ್ನಲ್ ಗ್ರೌಂಡ್ನಲ್ಲಿ ಮಾರಾಕಾಯುಧಗಳಿಂದ ಕೊಚ್ಚಿ ಕೊಲೆ ಮಾಡಿದ್ದರು. ಆರು ವರ್ಷದ ಹಿಂದೆ ಮಂಕಿಸ್ಟ್ತಾಂಡ್ ರೌಡಿ ಗ್ಯಾಂಗ್ನವರು ಸಂಜಯ್ ಯಾನೆ ವರುಣ್ ಎಂಬುವನನ್ನು ಹೊಯಿಗೆಬೈಲ್ನಲ್ಲಿ ಕೊಲೆ ಮಾಡಿದ್ದರು. ಅಂದು ಹತ್ಯೆಯಾದ ಸಂಜಯ್ನ ತಂದೆ ಜಗದೀಶ್ ಯಾನೆ ತಲವಾರ್ ಜಗ್ಗ ತನ್ನ ಮಗನ ಕೊಲೆಗೆ ಪ್ರತಿಕಾರ ರೂಪಿಸಲು ಮಂಕಿಸ್ಟ್ತಾಂಡ್ ರೌಡಿ ಗ್ಯಾಂಗ್ನೊಂದಿಗೆ ಗುರುತಿಸಿಕೊಂಡಿರುವ ಇಂದ್ರಜಿತ್ನನ್ನು ಕೊಲೆ ಮಾಡಿದ್ದಾರೆ. ನವೆಂಬರ್ 26 ರಂದು ಬೆಳಕಿಗೆ ಬಂದಿರುವ ಈ ಕೊಲೆ ಪ್ರಕರಣದ ತನಿಖೆ ಕೈಗೆತ್ತಿಕೊಂಡ ಬರ್ಕೆ ಪೊಲೀಸರು ಆರೋಪಿಗಳನ್ನು ಬಂಧಿಸಿದ್ದಾರೆ.