ಮಾರ್ಚ್​​ನಿಂದ ಹಳೆ 100 ರೂ. ನೋಟು ಸ್ಥಗಿತ!

ನೋಟು ವಾಪಾಸಾತಿ ಎಂದರೆ ಜನತೆ ಭಯ ಪಡುವ ಅಗತ್ಯವಿಲ್ಲ. ಇದು ನೋಟು ಅಮಾನ್ಯೀಕರಣವಲ್ಲ, ಹೊಸ ಸೀರೀಸ್​ನ 100 ರೂ. ಮುಖಬೆಲೆಯ ನೋಟುಗಳನ್ನು ಮಾತ್ರ ಚಲಾವಣೆಯಲ್ಲಿ ಇರಿಸಲು ಈ ನಿರ್ಧಾರ ಕೈಗೊಳ್ಳಲಾಗಿದೆ‌. ಬ್ಯಾಂಕ್ ಸಿಬ್ಬಂದಿಯೂ 100 ರೂ. ನೋಟನ್ನು ಇರಿಸಿಕೊಳ್ಳದೇ ಕರೆನ್ಸಿ ಚೆಸ್ಟ್​​ಗೆ ಕಳುಹಿಸಬೇಕು ಎಂದು ಬಿ.ಎಂ. ಮಹೇಶ್ ವಿನಂತಿಸಿಕೊಂಡರು.

ಮಂಗಳೂರು: ನೂತನ 100 ರೂ. ನೋಟು ಹೆಚ್ಚಿನ ಸಂಖ್ಯೆಯಲ್ಲಿ ಚಲಾವಣೆಯಾಗಬೇಕೆಂಬ ಉದ್ದೇಶದಿಂದ ಹಳೆಯ 100 ರೂ. ನೋಟನ್ನು ಭಾರತೀಯ ರಿಸರ್ವ್ ಬ್ಯಾಂಕ್ ಮಾರ್ಚ್​​ಗೆ ಸ್ಥಗಿತಗೊಳಿಸುತ್ತದೆ ಎಂದು ಆರ್​ಬಿಐ ಮಹಾಪ್ರಬಂಧಕ ಬಿ.ಎಂ. ಮಹೇಶ್ ತಿಳಿಸಿದರು.

ನಗರದ ಜಿ.ಪಂ. ನೇತ್ರಾವತಿ ಸಭಾಂಗಣದಲ್ಲಿ ನಡೆದ ಜಿಲ್ಲಾ ಮಟ್ಟದ ಬ್ಯಾಂಕಿಂಗ್ ಭದ್ರತೆ ಹಾಗೂ ನಗದು ನಿರ್ವಹಣಾ ಸಭೆಯಲ್ಲಿ ಮಾತನಾಡಿದ ಅವರು, ಹಳೆಯ ಸೀರೀಸ್ 100 ರೂ. ನೋಟನ್ನು ಹೋಲುವ ಖೋಟಾ ನೋಟುಗಳು ಹೆಚ್ಚಾಗಿರುವುದರಿಂದ ಈ ನೋಟನ್ನು ಮಾರ್ಚ್ ಅಂತ್ಯದ ವೇಳೆಗೆ ಹಿಂಪಡೆಯಲಾಗುತ್ತದೆ ಎಂದು ಹೇಳಿದರು. ಹಳೆಯ ಸೀರೀಸ್​ನ 100 ರೂ. ನೋಟನ್ನು ಹಿಂಪಡೆಯುವ ಉದ್ದೇಶದಿಂದ ಆರ್​ಬಿಐ ಕಳೆದ ಆರು ತಿಂಗಳಿನಿಂದ ಈ ನೋಟನ್ನು ಮುದ್ರಣ ಮಾಡುತ್ತಿಲ್ಲ. ಹಳೆಯ ನೋಟುಗಳನ್ನು ಹಂತಹಂತವಾಗಿ ಹಿಂಪಡೆಯಲಾಗುತ್ತಿದೆ ಎಂದು ಹೇಳಿದರು.

ಈ ಸುದ್ದಿಯನ್ನೂ ಓದಿ:ಶಿವಮೊಗ್ಗಕ್ಕೆ ತೆರಳಿ ಪರಿಶೀಲನೆ ನಡೆಸುವಂತೆ ಸಚಿವ ನಿರಾಣಿಗೆ ಸಿಎಂ ಸೂಚನೆ

ನೋಟು ವಾಪಾಸಾತಿ ಎಂದರೆ ಜನತೆ ಭಯ ಪಡುವ ಅಗತ್ಯವಿಲ್ಲ. ಇದು ನೋಟು ಅಮಾನ್ಯೀಕರಣವಲ್ಲ, ಹೊಸ ಸೀರೀಸ್​ನ 100 ರೂ. ಮುಖಬೆಲೆಯ ನೋಟುಗಳನ್ನು ಮಾತ್ರ ಚಲಾವಣೆಯಲ್ಲಿ ಇರಿಸಲು ಈ ನಿರ್ಧಾರ ಕೈಗೊಳ್ಳಲಾಗಿದೆ‌. ಬ್ಯಾಂಕ್ ಸಿಬ್ಬಂದಿಯೂ 100 ರೂ. ನೋಟನ್ನು ಇರಿಸಿಕೊಳ್ಳದೇ ಕರೆನ್ಸಿ ಚೆಸ್ಟ್​​ಗೆ ಕಳುಹಿಸಬೇಕು ಎಂದು ವಿನಂತಿಸಿಕೊಂಡರು.