ಚಿತ್ರದುರ್ಗ:ಬಿಜೆಪಿಯವರು ಕೊರೊನಾ ವೈರಸ್ಗೆ ನೀಡುವ ಲಸಿಕೆಯಲ್ಲಿಯೂ ಕೀಳು ಮಟ್ಟದ ರಾಜಕಾರಣ ಮಾಡುತ್ತಿದ್ದಾರೆ. ಇದುವರೆಗೆ ತಯಾರಾಗಿರದ ಲಸಿಕೆಯನ್ನು ಅದು ಹೇಗೆ ಬಿಹಾರ ಜನತೆಗೆ ಉಚಿತವಾಗಿ ನೀಡ್ತಾರೆ ಎಂದು ಮಾಜಿ ಸಚಿವ ರಾಮಲಿಂಗಾ ರೆಡ್ಡಿ ಬಿಜೆಪಿ ನಾಯಕರನ್ನು ಕೇಳಿದ್ದಾರೆ.
ನಗರದಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಕೊರೊನಾ ವ್ಯಾಕ್ಸಿನ್ ಬಿಹಾರಕ್ಕೆ ಮಾತ್ರ ಏಕೆ ಕೊಡ್ಬೇಕು?, ಇಡೀ ದೇಶಕ್ಕೆ ಉಚಿತವಾಗಿ ನೀಡಲಿ. ನಮ್ಮ ದೇಶಕ್ಕೆ ಕೊರೊನಾ ಬಂದಿರುವುದು ವಿದೇಶದಿಂದ. ಇದಕ್ಕೆ ಕಾರಣ ಮೋದಿ ಹೊರತು ಜನರಲ್ಲ. ದೇಶವಾಸಿಗಳು ಸೋಂಕಿನಿಂದ ನರಳಾಡಲು ಮೋದಿ ಕಾರಣರಾಗಿದ್ದು, ದೇಶದ ಎಪ್ಪತ್ತರಿಂದ ಎಂಬತ್ತು ಲಕ್ಷ ಜನರ ಶಾಪ ಅವರಿಗೆ ತಟ್ಟುತ್ತದೆ ಎಂದು ಆಕ್ರೋಶ ವ್ಯಕ್ತಪಡಿಸಿದರು.
ರಾಮಲಿಂಗಾ ರೆಡ್ಡಿ ಹೇಳಿಕೆ