ಇಬ್ಬರ ಜಗಳ... ಮಧ್ಯೆ ಬಂದ ಮೂವರು ಯುವಕರಿಗೆ ಗೂಸಾ

ಮೂರನೇಯವರ ಆಸ್ತಿ ವಿವಾದದಲ್ಲಿ ತಲೆ ಹಾಕಿದ ಮೂವರು ಯುವಕರು ಗೂಸ ತಿಂದಿರುವ ಘಟನೆ ಚಿತ್ರದುರ್ಗ ಜಿಲ್ಲೆಯಲ್ಲಿ ನಡೆದಿದೆ.

ಚಿತ್ರದುರ್ಗ: ಕುಡಿದ ಅಮಲಿನಲ್ಲಿ ಶಿವರಾಜ ಎಂಬಾತನ ಮೇಲೆ ಹಲ್ಲೆ ಮಾಡಿದ್ದ ಹಿನ್ನೆಲೆ ಮೂವರು ಯುವಕರನ್ನು ಕಂಬಕ್ಕೆ ಕಟ್ಟಿ ಥಳಿಸಿದ ಘಟನೆ ಜಿಲ್ಲೆಯ ಅಡವಿಗೊಲ್ಲರಹಳ್ಳಿಯಲ್ಲಿ ನಡೆದಿದೆ.

ಶಿವರಾಜ್ ಮತ್ತು ಜಗದೀಶ್​ ಎಂಬುವವರ ನಡುವೆ ಜಾಗದ ವಿವಾದ ನಡೆದಿತ್ತು. ಈ ಹಿನ್ನೆಲೆ ಜಗದೀಶ್​ ಪರವಾಗಿ ಬಂದು ಶಿವರಾಜ್ ಮೇಲೆ ಹಲ್ಲೆ ನಡೆಸಿದ್ದ ನಗರದ ಯುವಕರನ್ನು ಜನ ಹಣ್ಣಗಾಯಿ ನೀರುಗಾಯಿ ಮಾಡಿದ್ದಾರೆ.

ಚಿತ್ರದುರ್ಗ ನಗರದ ಜಯಸೂರ್ಯ, ಮಾರುತಿ,‌ ಶರತ್ ಎಂಬುವವರನ್ನು ಥಳಿಸಿ ಸ್ಥಳೀಯರು ಪೊಲೀಸರ ವಶಕ್ಕೆ ನೀಡಿದ್ದು, ಭರಮಸಾಗರ ಪೊಲೀಸ್ ಠಾಣೆಯಲ್ಲಿ ದೂರು ಪ್ರತಿದೂರು ದಾಖಲಾಗಿದೆ.