'20 ಸಿಲಿಂಡರ್​​ಗಳನ್ನು ಸಂಗ್ರಹಿಸಿ ಆಸ್ಪತ್ರೆಗೆ ನೀಡಿದ ಪಿಎಸ್​ಐ ಮಂಜುನಾಥ್'

ಮಾಲೀಕರ ಬಳಿ ಮಾತಾನಾಡಿ ಸಿಲಿಂಡರ್​​ಗಳನ್ನು ಕೊಡಿಸಿದ್ದೇನೆ. ಇನ್ನೂ ಎಲ್ಲಾದರೂ ಹೆಚ್ಚುವರಿ ಸಿಲಿಂಡರ್​​ಗಳು ಇದ್ದಲಿ ಗಮನಕ್ಕೆ ತನ್ನಿ. ರೋಗಿಗಳ ಜೀವ ಉಳಿಸುವುದು ನಮ್ಮಲ್ಲರ ಕರ್ತವ್ಯ..

ಚಿತ್ರದುರ್ಗ :ಎಲ್ಲೆಡೆ ಆಸ್ಪತ್ರೆಗಳಲ್ಲಿ ಆಕ್ಸಿಜನ್ ಕೊರತೆ ಎದ್ದು ಕಾಣುತ್ತಿದೆ. ಇಂತಹ ಸಂದರ್ಭದಲ್ಲಿ ಚಿತ್ರದುರ್ಗ ಜಿಲ್ಲೆ ಚಳ್ಳಕೆರೆ ನಗರ ಪಿಎಸ್​​ಐ ಮಂಜುನಾಥ್ ಅರ್ಜುನ್ ಲಿಂಗರೆಡ್ಡಿ, ಆಮ್ಲಜನಕದ ಕೊರತೆ ಉಂಟಾಗದಂತೆ ತಡೆಯಲು ಚಳ್ಳಕೆರೆ ನಗರದಲ್ಲಿನ ಬೇರೆ ಬೇರೆ ಗ್ಯಾರೇಜ್​​ಗಳಲ್ಲಿದ್ದ 20 ಸಿಲಿಂಡರ್​​ಗಳನ್ನು ಸಂಗ್ರಹಿಸಿ ಆಸ್ಪತ್ರೆಗೆ ನೀಡಿದ್ದಾರೆ.

ಪಿಎಸ್​​ಐ ಮಂಜುನಾಥ್ ಅರ್ಜುನ್ ಲಿಂಗರೆಡ್ಡಿ..

ಆಕ್ಸಿಜನ್ ಕೊರತೆಯಿಂದ ಸಾಕಷ್ಟು ರೋಗಿಗಳು ತಮ್ಮ ಉಸಿರು ನಿಲ್ಲಿಸುತ್ತಿದ್ದಾರೆ. ಗ್ಯಾಸ್ ಪ್ಲಾಂಟ್​​ಗಳಲ್ಲಿ ಆಕ್ಸಿಜನ್ ಇದ್ದರೂ ತುಂಬಿಸಲು ಸಿಲಿಂಡರ್​​ಗಳ ಕೊರತೆಯಿದೆ.

ಹೀಗಾಗಿ, ಸೋಂಕಿತರಿಗೆ ಸೂಕ್ತ ಸಮಯಕ್ಕೆ ಆಕ್ಸಿಜನ್ ಪೂರೈಕೆ ಮಾಡಲು ಸಾಧ್ಯವಾಗುತ್ತಿಲ್ಲ. ಹಾಗಾಗಿ, ಗ್ಯಾರೇಜ್ ಮಾಲೀಕರಾದ ಖಲೀಂ ಉಲ್ಲಾ, ರಂಗಸ್ವಾಮಿ, ಆನಿಪ್ ಮಂಜುನಾಥ್ ಇವರುಗಳಲ್ಲಿದ್ದ ಸಿಲಿಂಡರ್​​ಗಳನ್ನು ಆಸ್ಪತ್ರೆಗೆ ನೀಡಿದ್ದಾರೆ.

ಮಾಲೀಕರ ಬಳಿ ಮಾತಾನಾಡಿ ಸಿಲಿಂಡರ್​​ಗಳನ್ನು ಕೊಡಿಸಿದ್ದೇನೆ. ಇನ್ನೂ ಎಲ್ಲಾದರೂ ಹೆಚ್ಚುವರಿ ಸಿಲಿಂಡರ್​​ಗಳು ಇದ್ದಲಿ ಗಮನಕ್ಕೆ ತನ್ನಿ. ರೋಗಿಗಳ ಜೀವ ಉಳಿಸುವುದು ನಮ್ಮಲ್ಲರ ಕರ್ತವ್ಯ ಎಂದು ಪಿಎಸ್​​ಐ ಮಂಜುನಾಥ್ ತಿಳಿಸಿದ್ದಾರೆ.