ಲಾಕ್​ಡೌನ್​ನಿಂದ ರೈತರಿಗೆ ಸಂಕಷ್ಟ: ಸಮಸ್ಯೆ ಆಲಿಸಿದ ಶಾಸಕ ರಘುಮೂರ್ತಿ

ಕೊರೊನಾ ಮಹಾಮಾರಿ ತಡೆಯಲು ದೇಶವನ್ನು ಲಾಕ್​ಡೌನ್‌ ಮಾಡಿರುವುದರಿಂದ ಚಿತ್ರದುರ್ಗ ಜಿಲ್ಲೆಯ ರೈತರು ಸಂಕಷ್ಟಕ್ಕೆ ಸಿಲುಕಿದ್ದಾರೆ. ಈ ಹಿನ್ನೆಲೆ ಚಳ್ಳಕೆರೆ ಕಾಂಗ್ರೆಸ್ ​ಶಾಸಕ ರಘುಮೂರ್ತಿ ರೈತರ ಜಮೀನುಗಳಿಗೆ ಭೇಟಿ ಕೊಟ್ಟು ಪರಿಶೀಲನೆ ನಡೆಸಿದ್ದಾರೆ.

ಚಿತ್ರದುರ್ಗ: ಲಾಕ್​ಡೌನ್‌‌ನಿಂದಾಗಿ ರೈತರು ಸಂಕಷ್ಟಕ್ಕೆ ಸಿಲುಕಿದ್ದರಿಂದ ಸಮಸ್ಯೆಗಳನ್ನು ಅರಿತು ಪರಿಹಾರ ಕಂಡುಕೊಳ್ಳಲು ಚಳ್ಳಕೆರೆ ಕೈ ಶಾಸಕ ರಘುಮೂರ್ತಿ ಮುಂದಾಗಿದ್ದಾರೆ.

ತಮ್ಮ ವಿಧಾನಸಭಾ ಕ್ಷೇತ್ರ ವ್ಯಾಪ್ತಿಯಲ್ಲಿ ಬರುವ ತುರುವನೂರು ಹೋಬಳಿಯ ಬೆಳಗಟ್ಟ, ತುರುವನೂರು, ಕೂನಬೇವು ಗ್ರಾಮಗಳ ರೈತರ ಜಮೀನುಗಳಿಗೆ ಭೇಟಿ ನೀಡಿದರು. ಬೆಳೆದ ಬೆಳೆ ಮಾರುಕಟ್ಟೆಗೆ ಸಾಗಿಸಲಾಗದೆ ಹೈರಾಣಾದ ರೈತರಿಗೆ ಧೈರ್ಯ ತುಂಬಿ, ಸರ್ಕಾರದೊಂದಿಗೆ ಮಾತನಾಡುವುದಾಗಿ ಭರವಸೆ ನೀಡಿದರು.

ಈ ವೇಳೆ ತಾಲೂಕು ಪಂಚಾಯತ್ ಅಧ್ಯಕ್ಷ ಲಿಂಗರಾಜು, ತಾಲೂಕು ಕೃಷಿ ಅಧಿಕಾರಿ ಭಾರತಿ, ತೋಟಗಾರಿಕೆ ಇಲಾಖೆಯ ಸಹಾಯಕ ಅಧಿಕಾರಿ ಸುಧಾಕರ್ ಶಾಸಕರಿಗೆ ಸಾಥ್​ ನೀಡಿದರು.