ಕೊರೊನಾ ಹಾಟ್​​ಸ್ಪಾಟ್​ ಆಗುತ್ತಿದೆಯೇ ಹಿರಿಯೂರು: ಎರಡು ಏರಿಯಾಗಳು ಸೀಲ್​​​​​​​ಡೌನ್​

ಚಿತ್ರದುರ್ಗದ ಹಿರಿಯೂರು ಪಟ್ಟಣದಲ್ಲಿ ಕೊರೊನಾ ಪ್ರಕರಣ ಹೆಚ್ಚಾಗುತ್ತಿದ್ದು, ಎರಡು ಪ್ರದೇಶಗಳನ್ನು ಸೀಲ್​ಡೌನ್​ ಮಾಡಿದ್ದಾರೆ.

ಚಿತ್ರದುರ್ಗ: ಹಿರಿಯೂರು ಪಟ್ಟಣದಲ್ಲಿ ಕೊರೊನಾ ಅಟ್ಟಹಾಸ ಮುಂದುವರೆದಿದ್ದು, ಹಾಟ್​ಸ್ಪಾಟ್ ಆಗುತ್ತಿದೆಯೇ ಎಂಬ ಅನುಮಾನ ಇದೀಗ ಮೂಡುತ್ತಿದೆ.

ಕೊರೊನಾದಿಂದಾಗಿ ಆರೋಗ್ಯ ಇಲಾಖೆಯ ಅಧಿಕಾರಿಗಳು ಹಿರಿಯೂರು ನಗರದಲ್ಲಿರುವ ಎರಡು ಏರಿಯಾಗಳನ್ನು ಸೀಲ್​ಡೌನ್ ಮಾಡಿದ್ದಾರೆ. ಕೊರೊನಾ ಹೆಚ್ಚಳ ಹಿನ್ನೆಲೆಯಲ್ಲಿ ಹಿರಿಯೂರು ಪಟ್ಟಣದ ಆಜಾದ್ ನಗರ ಸೇರಿದಂತೆ ವೇದಾವತಿ‌ ನಗರವನ್ನು ಸೀಲ್​ಡೌನ್ ಮಾಡಲಾಗಿದೆ.

ತಾಯಿ - ಮಗನಿಗೆ ಸೋಂಕು ದೃಢವಾದ ಹಿನ್ನೆಲೆಯಲ್ಲಿ ಆಜಾದ್ ನಗರದ ನಿವಾಸ ಬಳಿಯ ರಸ್ತೆ ಸೀಲ್​ಡೌನ್ ಮಾಡಲಾಗಿದ್ದು, ವೈದ್ಯ ಹಾಗೂ ವೃದ್ಧನಿಗೆ ಸೋಂಕು ತಗುಲಿರುವುದು ಖಾತ್ರಿಯಾದ ಬೆನ್ನಲ್ಲೇ ಹಿರಿಯೂರಿನ ವೇದಾವತಿ ನಗರದ ನಿವಾಸದ ಬಳಿಯ ರಸ್ತೆಯನ್ನು ಸೀಲ್‌ಡೌನ್ ಮಾಡಿದ್ದಾರೆ.