ಅತ್ತ ಕೊರೊನಾ ತಡೆಯಲು ಸರ್ಕಾರದ ಸರ್ಕಸ್... ಇತ್ತ ರೇಷನ್​ಗಾಗಿ ಮುಗಿಬಿದ್ದ ಜನ!

ಚಿತ್ರದುರ್ಗದ ತಾಲೂಕಿನ ಗುಡ್ಡದ ರಂಗವ್ವನಹಳ್ಳಿಯಲ್ಲಿ ಜನರು ಸಮಾಜಿಕ ಅಂತರ ಕಾಯ್ದುಕೊಳ್ಳದೆ ನ್ಯಾಯಬೆಲೆ ಅಂಗಡಿ ಮುಂದೆ ರೇಷನ್ ಖರೀದಿಸಲು ಮುಗಿಬಿದ್ದಿದ್ದರು.

ಚಿತ್ರದುರ್ಗ:ಕೋವಿಡ್-19 ತಡೆಗಟ್ಟಲು ರಾಜ್ಯ ಸರ್ಕಾರ ಸಾಕಷ್ಟು ಸರ್ಕಸ್ ಮಾಡುತ್ತಿದ್ದು, ಲಾಕ್​​ಡೌನ್ ಕೂಡ ಮಾಡಿದೆ. ಆದರೆ ಜನ ಮಾತ್ರ ವೈರಸ್ ಭೀತಿ ಇಲ್ಲದೆ ಸಾಮಾಜಿಕ ಅಂತರ ಕಾಪಾಡದೆ ರೇಷನ್​ಗಾಗಿ ಮುಗಿಬಿದ್ದಿದ್ದಾರೆ.

ಚಿತ್ರದುರ್ಗದ ತಾಲೂಕಿನ ಗುಡ್ಡದ ರಂಗವ್ವನಹಳ್ಳಿಯಲ್ಲಿ ಜನರು ಸಮಾಜಿಕ ಅಂತರ ಕಾಯ್ದುಕೊಳ್ಳದೆ ನ್ಯಾಯಬೆಲೆ ಅಂಗಡಿ ಮುಂದೆ ರೇಷನ್ ಖರೀದಿಸಲು ಮುಗಿಬಿದ್ದಿದ್ದರು. ಸಾಮಾಜಿಕ ಅಂತರ ಕಾಯ್ದುಕೊಳ್ಳುವಂತೆ ಈಗಾಗಲೇ ಬಾಕ್ಸ್​​ಗಳನ್ನು ಹಾಕಲಾಗಿದ್ದರೂ ಕೂಡ ಅದರಲ್ಲಿ ನಿಲ್ಲದೆ ಖಾಲಿ ಚೀಲಗಳನ್ನು ಇರಿಸುವ ಮೂಲಕ ಕ್ಯೂ ನಿಂತಿಕೊಳ್ಳುತ್ತಿರುವ ಪರಿಸ್ಥಿತಿ ನಿರ್ಮಾಣ ಆಗಿದೆ.

ಈಗಾಗಲೇ ರಾಜ್ಯದಲ್ಲಿ ಕೊರೊನಾ ಸಂಖ್ಯೆ ಏರುತ್ತಲೇ ಇದ್ದರೂ ಕೂಡ ಜನ ಮಾತ್ರ ಬುದ್ಧಿ ಕಲಿಯದೆ ಇರುವುದು ಆತಂಕಕ್ಕೀಡು ಮಾಡಿದೆ.