ದೇವೇಗೌಡ್ರು ಟೀಕೆ-ಟಿಪ್ಪಣಿ ಮಾಡಿದ್ರೇ ಅವರಿಗೆ ಉತ್ತರಿಸಲು ಇದು ಸಮಯವಲ್ಲ.. ಡಿಸಿಎಂ ಕಾರಜೋಳ

ನಾವು ಕೂಡ ಆರ್ಥಿಕ ಸಂಕಷ್ಟದಲ್ಲಿದ್ದೇವೆ. ನಮ್ಮ ರಾಜ್ಯವಲ್ಲ, ಪ್ರಪಂಚದ 196 ದೇಶಗಳು ಕೂಡ ಆರ್ಥಿಕ ಸಂಕಷ್ಟದಲ್ಲಿ ಸಿಲುಕಿವೆ.

ಚಿತ್ರದುರ್ಗ :ಮಾಜಿ ಪ್ರಧಾನಿ ದೇವೇಗೌಡರು ಹಿರಿಯರು, ಟೀಕೆ-ಟಿಪ್ಪಣಿ ಮಾಡೀದ್ರೇ ಅದಕ್ಕೆ ನಾನು ಪ್ರತಿಕ್ರಿಯೆ ನೀಡಲ್ಲ. ಪ್ರತಿಕ್ರಿಯೆ ನೀಡಲು ಇದು ಸೂಕ್ತು ಸಮಯವೂ ಅಲ್ಲ ಎಂದು ಉಪಮುಖ್ಯಮಂತ್ರಿ ಗೋವಿಂದ ಕಾರಜೋಳ ಹೇಳಿದರು.

ನಗರದಲ್ಲಿ ಈ ಬಗ್ಗೆ ಮಾತನಾಡಿದ ಅವರು, ಇಡೀ ಪ್ರಪಂಚವೇ ಬೆಂಕಿಯ ಜ್ವಾಲೆಯಲ್ಲಿ ಸಿಲುಕಿದೆ. ಈ ಸಮಯದಲ್ಲಿ ನಾವು ರಾಜಕೀಯ ಮಾಡದೆ ದುಃಖಿತರಿಗೆ ಸಾಂತ್ವನ ಹೇಳಬೇಕು. ದೇಶದಲ್ಲಿ 9 ಸಾವಿರ ಸೋಂಕಿತರಿದ್ದಾರೆ. ಅವರ ನೆರವಿಗೆ ಬರುವುದು, ಇಂತಹ ಸಂಕಷ್ಟದ ಸಮಯದಲ್ಲಿ ಒಬ್ಬರಿಗೊಬ್ಬರನ್ನು ಟೀಕೆ ಮಾಡಲು ಇದು ಸಮಯವಲ್ಲ, ಕ್ಷಮೆ ಇರಲಿ ಎಂದರು. ಮಾಜಿ ಪ್ರಧಾನಿಗಳು ಕೇಂದ್ರ ಸರ್ಕಾರಕ್ಕೆ ನೀಡಿದ ಸಲಹೆ ಸೂಚನೆಗಳನ್ನು ರಾಜ್ಯ ಸರ್ಕಾರ ಪಾಲನೆ ಮಾಡ್ತಿಲ್ಲ ಎಂಬ ಹೆಚ್​ಡಿಡಿ ಟೀಕೆಗೆ ಪ್ರತಿಕ್ರಿಯೆ ನೀಡದೆ ಡಿಸಿಎಂ ಹಾಗೇ ಮುಂದೆ ನಡೆದರು.

ಬಳಿಕ ರಾಜ್ಯ ಆರ್ಥಿಕ ಸಂಕಷ್ಟದ ಬಗ್ಗೆ ಪ್ರತಿಕ್ರಿಯಿಸಿದ ಅವರು, ನಾವು ಕೂಡ ಆರ್ಥಿಕ ಸಂಕಷ್ಟದಲ್ಲಿದ್ದೇವೆ. ನಮ್ಮ ರಾಜ್ಯವಲ್ಲ, ಪ್ರಪಂಚದ 196 ದೇಶಗಳು ಕೂಡ ಆರ್ಥಿಕ ಸಂಕಷ್ಟದಲ್ಲಿ ಸಿಲುಕಿವೆ ಎಂದರು.