ಕಾರು-ಟ್ಯಾಂಕರ್ ಅಪಘಾತದಲ್ಲಿ ಇಬ್ಬರ ಸಾವು... ಮೃತರ ಆಭರಣ ಪೊಲೀಸರಿಗೆ ನೀಡಿದ 108 ಸಿಬ್ಬಂದಿ

ಘಟನೆ ಬಳಿಕ ಮೃತ ದೇಹ ಸಾಗಿಸಲು ಘಟನಾ ಸ್ಥಳಕ್ಕಾಗಮಿಸಿದ 108 ತುರ್ತು ವಾಹನ ಸಿಬ್ಬಂದಿ ಎರಡು ಲಕ್ಷದ ಮೌಲ್ಯದ ಆಭರಣಗಳನ್ನು ಹಿರಿಯೂರು ಗ್ರಾಮಾಂತರ ಪೊಲೀಸರಿಗೆ ತಲುಪಿಸುವ ಮೂಲಕ ಪ್ರಾಮಾಣಿಕತೆ ಮೆರೆದರು.

ಚಿತ್ರದುರ್ಗ: ಕಾರು ಮತ್ತು ಟ್ಯಾಂಕರ್ ನಡುವೆ ಭೀಕರ ಅಪಘಾತ ಸಂಭವಿಸಿ ಸ್ಥಳದಲ್ಲೇ‌‌ ಇಬ್ಬರು ಸಾವಿಗೀಡಾಗಿರುವ ಘಟನೆ ಚಿತ್ರದುರ್ಗ ಜಿಲ್ಲೆಯ ಹಿರಿಯೂರು ತಾಲೂಕಿನ ಆದಿವಾಲ ಗ್ರಾಮದ ಬಳಿ ನಡೆದಿದೆ.

ಅಪಘಾತದಲ್ಲಿ ಸುವರ್ಣಮ್ಮ (56), ಅರುಣ್ ಕುಮಾರ್ (35) ಮೃತಪಟ್ಟಿದ್ದು, ಗಾಯಳುಗಳನ್ನು ಹಿರಿಯೂರು ಸರ್ಕಾರಿ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಕಾರು ಟ್ಯಾಂಕರ್ ಗೆ ಡಿಕ್ಕಿ ಹೊಡೆದ ಪರಿಣಾಮ ಕಾರಿನಲ್ಲಿದ್ದ ಇಬ್ಬರು ಸ್ಥಳದಲ್ಲೇ ಅಸುನೀಗಿದ್ದಾರೆ.

ಘಟನೆ ಬಳಿಕ ಮೃತ ದೇಹ ಸಾಗಿಸಲು ಘಟನಾ ಸ್ಥಳಕ್ಕಾಗಮಿಸಿದ 108 ತುರ್ತು ವಾಹನ ಸಿಬ್ಬಂದಿ ಎರಡು ಲಕ್ಷದ ಮೌಲ್ಯದ ಆಭರಣಗಳನ್ನು ಹಿರಿಯೂರು ಗ್ರಾಮಾಂತರ ಪೊಲೀಸರಿಗೆ ತಲುಪಿಸುವ ಮೂಲಕ ಪ್ರಾಮಾಣಿಕತೆ ಮೆರೆದರು.

ಈ ಸಂಬಂಧ ಹಿರಿಯೂರು ಗ್ರಾಮಾಂತರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.