ಆಂಧ್ರ ಚೆಕ್​ ಪೋಸ್ಟ್​ ಬಳಿ ಕರ್ತವ್ಯನಿರತ ಪೊಲೀಸ್​ ಪೇದೆ ಮೇಲೆ ಹಲ್ಲೆ

ಚಿತ್ರದುರ್ಗ ಜಿಲ್ಲೆ ಪಾತಪ್ಪನಗುಡಿ ಗ್ರಾಮದ ಬಳಿಯ ಆಂಧ್ರ ಪ್ರದೇಶ ಚೆಕ್ ​ಪೋಸ್ಟ್​ ಬಳಿ ಕರ್ತವ್ಯದಲ್ಲಿದ್ದ ಪೊಲೀಸ್​ ಪೇದೆಯೊಬ್ಬರ ಮೇಲೆ ವ್ಯಕ್ತಿಯೊಬ್ಬ ಹಲ್ಲೆ ಮಾಡಿರುವ ಘಟನೆ ನಡೆದಿದೆ.

ಚಿತ್ರದುರ್ಗ:ಕರ್ತವ್ಯನಿರತ ಪೊಲೀಸ್​ ಪೇದೆ ಮೇಲೆ ವ್ಯಕ್ತಿಯೊಬ್ಬ ಹಲ್ಲೆ ನಡೆಸಿದ ಘಟನೆ ಚಳ್ಳಕೆರೆ ತಾಲೂಕಿನ ಪಾತಪ್ಪನಗುಡಿ ಗ್ರಾಮದ ಬಳಿ ನಡೆದಿದೆ.

ಪಾತಪ್ಪನಗುಡಿ ಗ್ರಾಮದ ಆಂಧ್ರ ಪ್ರದೇಶ ಚೆಕ್​ ಪೋಸ್ಟ್​ ಬಳಿ ಪರಶುರಾಂಪುರ ಠಾಣೆಯ ಪೇದೆ ಶಿವಣ್ಣ ಕರ್ತವ್ಯದಲ್ಲಿದ್ದರು. ಈ ವೇಳೆ ಅಲ್ಲಿಗೆ ಬಂದ ಆಂಧ್ರ ಮೂಲದ ಮಂಜು ಎಂಬಾತ ಅವಾಚ್ಯ ಶಬ್ದಗಳಿಂದ ನಿಂದಿಸಿ ಹಲ್ಲೆ ನಡೆಸಿದ್ದಾನೆ. ಮದ್ಯದ ಅಮಲಿನಲ್ಲಿ ಈತ ಪೇದೆ ಮೇಲೆ ಹಲ್ಲೆ ನಡೆಸಿದ್ದಾನೆ ಎನ್ನಲಾಗಿದೆ.

ಪೇದೆ ಮೇಲೆ ಹಲ್ಲೆ ನಡೆಸಿದ ದೃಶ್ಯ ಮೊಬೈಲ್​ನಲ್ಲಿ ಸೆರೆಯಾಗಿದೆ. ಈ ಬಗ್ಗೆ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.