ರಾಮ ಮಂದಿರ ನಿರ್ಮಾಣ ಕಾರ್ಯಕ್ಕೆ ನಿಧಿ ಸಂಗ್ರಹಿಸಿದ ಮಾಳವಿಕಾ

ಚಿತ್ರದುರ್ಗ ಜಿಲ್ಲೆಯಲ್ಲಿ ಆರ್‌ಎಸ್‌ಎಸ್ ಹಾಗೂ ಭಜರಂಗದಳ ಸಂಘಟನೆ ರಾಮ ಮಂದಿರಕ್ಕೆ ಹಣ ಸಂದಾಯ ಮಾಡಲು ನಿಧಿ ಸಂಗ್ರಣಾ ಅಭಿಯಾನ ಆರಂಭಿಸಿದೆ.

ಚಿತ್ರದುರ್ಗ:ನಗರ ಭಜರಂಗಳದಳ ಕಛೇರಿಯಲ್ಲಿ ಶ್ರೀರಾಮನ ಭಾವಚಿತ್ರಕ್ಕೆ ಪೂಜೆ ಸಲ್ಲಿಸುವ ಮೂಲಕ ನಟಿ ಮಾಳವಿಕಾ ಅವಿನಾಶ್​ ಅವರು ನಿಧಿ ಸಂಗ್ರಹ ಕಾರ್ಯಕ್ಕೆ ಚಾಲನೆ ನೀಡಿದರು.

ಜಿಲ್ಲೆಯ ಪ್ರತಿ ಮನೆ-ಮನೆಗೂ ತೆರಳಿ ನಿಧಿ ಸಂಗ್ರಹಿಸಿ ರಾಮ ಮಂದಿರಕ್ಕೆ ಹಣ ಸಂದಾಯ ಮಾಡಲು ನಿಧಿ ಸಂಗ್ರಣಾ ಅಭಿಯಾನಕ್ಕೆ ಆರ್‌ಎಸ್‌ಎಸ್ ಹಾಗೂ ಭಜರಂಗದಳ ಸಂಘಟನೆ ಚಾಲನೆ ನೀಡಿದ್ದು, ಸಮಾಜದ ಪ್ರತಿಯೊಬ್ಬರನ್ನು ರಾಮ ಮಂದಿರ ನಿರ್ಮಾಣಕ್ಕೆ ತೊಡಗಿಸಿಕೊಳ್ಳುವ ಉದ್ದೇಶದಿಂದ ಅಭಿಯಾನ ನಡೆಸಲಾಗುತ್ತಿದೆ. ಈ ಹಿನ್ನೆಲೆಯಲ್ಲಿ ಮಾಳವಿಕಾ ಮನೆ ಬಾಗಿಲಿಗೆ ತೆರಳಿ ರಶೀದಿ ನೀಡಿ ನಿಧಿ ಸಂಗ್ರಹಿಸಿದರು‌.

ರಾಜ್ಯದಲ್ಲಿ ಎಸ್‌ಬಿಐ ಶಾಖೆಗಳ ಮೂಲಕ ಮಂದಿರ ನಿರ್ಮಾಣ ಟ್ರಸ್ಟ್​ಗೆ ನೇರವಾಗಿ ಜನರು ಹಣ ಸಂದಾಯ ಮಾಡಬಹುದಾಗಿದೆ‌. ಮನೆ,ಮನೆಗೆ ನಿಧಿ ಸಂಗ್ರಹ ಅಭಿಯಾನದ ಮೂಲಕ 10 ರೂ.ಗಳಿಂದ 2 ಸಾವಿರ ರೂ.ವರೆಗೂ ಹಣ ಪಡೆದುಕೊಳ್ಳಲಿದ್ದು, ಬಳಿಕ ರಾಮ ಮಂದಿರ ಟ್ರಸ್ಟ್ ಖಾತೆಗೆ ಹಣ ಡೆಪಾಸಿಟ್ ಮಾಡಲಾಗುತ್ತಿದೆ‌. ರಾಜ್ಯದಲ್ಲಿ ಫೆ.05 ವರೆಗೂ ಅಭಿಯಾನ ನಡೆಸಲಾಗುತ್ತಿದೆ ಎಂದು ಮಾಳವಿಕಾ ಹೇಳಿದರು.