ಕರ್ನಾಟಕ

karnataka

ETV Bharat / state

ವಿಶ್ವ ಪರಿಸರ ದಿನದಂದು ಕುಂ.ವೀರಭದ್ರಪ್ಪ ಪುತ್ರ ಸೇರಿ 46 ಜೋಡಿಯ ಸರಳ ವಿವಾಹ! - DIFFERENT_MARRIAGE_PKG_7204336

ಬಿಳಿ ಬಣ್ಣದ ಪಂಜೆ, ಶರ್ಟ್ ಧರಿಸಿ, ತಲೆಗೆ ಪೇಟದ ಮೇಲೆ ಬಾಸಿಂಗ ಕಟ್ಟಿಕೊಂಡ ವರರು, ಬಣ್ಣ ಬಣ್ಣದ ಸೀರೆ ಕುಪ್ಪಸ ತೊಟ್ಟ ಮದುವಣಗಿತ್ತಿಯರ ಸಂತೋಷಕ್ಕೆ ಪಾರವೇ ಇರಲಿಲ್ಲ. ಇಷ್ಟೆಲ್ಲ ಕಂಡು ಬಂದಿದ್ದು ಸರಳ ಸಾಮೂಹಿಕ ವಿವಾಹದ ಕಾರ್ಯಕ್ರಮದಲ್ಲಿ.

ದಾಂಪತ್ಯ ಜೀವನಕ್ಕೆ ಕಾಲಿಟ್ಟ 46 ಜೋಡಿಗಳಿಗೆ ಡಾ.ಶಿವಮೂರ್ತಿ ಮುರುಘಾ ಶರಣರು ಆಶೀರ್ವಾದ ಮಾಡಿದರು

By

Published : Jun 6, 2019, 12:56 PM IST

ಚಿತ್ರದುರ್ಗ: ಕೋಟೆನಾಡು ಚಿತ್ರದುರ್ಗದ ಮುರುಘಾ ಮಠದ ಉದ್ಯಾನದಲ್ಲಿ ಆಯೋಜಿಸಿದ್ದ 354ನೇ ಸಾಮೂಹಿಕ ವಿವಾಹ ಕಾರ್ಯಕ್ರಮ ಮತ್ತು ವಿಶ್ವ ಪರಿಸರ ದಿನದಂದೇ 46 ಜೋಡಿಗಳು ವೈವಾಹಿಕ ಜೀವನಕ್ಕೆ ಕಾಲಿಟ್ಟರು. ಈ ಜೋಡಿಗಳಲ್ಲಿ ಹಿರಿಯ ಸಾಹಿತಿ ಕುಂ.ವೀರಭದ್ರಪ್ಪ ಅವರ ಪುತ್ರ ಪ್ರವರ ಹಾಗೂ ಅಂಬಿಕಾ ಜೋಡಿ ಸೇರಿದಂತೆ ಆರು ಜೋಡಿ ಅಂತರ್ಜಾತಿ ವಿವಾಹವಾದರು. ಈ ಮೂಲಕ ಎಲ್ಲರಿಗೂ ಮಾದರಿಯಾದರು.

ದಾಂಪತ್ಯ ಜೀವನಕ್ಕೆ ಕಾಲಿರಿಸಿದ ನವ ಜೋಡಿಗಳ ಜೀವನದ ಪ್ರತೀ ಕ್ಷಣವೂ ಹಚ್ಚ ಹಸಿರಿನಿಂದ ಕೂಡಿರಲಿ ಎಂದು ಮಠದ ಪೀಠಾಧಿಪತಿ ಡಾ. ಶಿವಮೂರ್ತಿ ಮುರುಘಾ ಶರಣರು ಮತ್ತು ನೆರೆದಿದ್ದ ಭಕ್ತರು, ಹಿರಿಯರು ಆಶೀರ್ವಾದ ಮಾಡಿದರು. ಮದುವೆಯ ನಂತರ ಉದ್ಯಾನದಲ್ಲಿ ಎಲ್ಲಾ ಜೋಡಿಗಳು ಸಸಿಗಳನ್ನು ನೆಟ್ಟು ನೀರೆರೆದರು. ಮಠದ ಈ ಸಮಾಜಮುಖಿ ಕಾರ್ಯಕ್ಕೆ ರಾಜ್ಯದೆಲ್ಲೆಡೆ ಪ್ರಶಂಸೆ ವ್ಯಕ್ತವಾಗುತ್ತಿದೆ.

ದಾಂಪತ್ಯ ಜೀವನಕ್ಕೆ ಕಾಲಿಟ್ಟ 46 ಜೋಡಿಗಳು

ಮೌಢ್ಯತೆಗೆ ಸಡ್ಡು ಹೊಡೆದು ಬಸವ ತತ್ವ ಸಾರುತ್ತಾ ಮಠದಿಂದ 29 ವರ್ಷಗಳಿಂದ ಪ್ರತಿ ತಿಂಗಳ 5ನೇ ತಾರೀಖಿನಂದು ಸರಳ ಸಾಮೂಹಿಕ ವಿವಾಹಗಳನ್ನ ನಡೆಸಿಕೊಂಡು ಬರಲಾಗುತ್ತದೆ. ಅದರಂತೆ ವಿಶ್ವ ಪರಿಸರ ದಿನವೂ ಕೂಡ ಈ ಸಾಮೂಹಿಕ ವಿವಾಹಕ್ಕೆ ಸಾಕ್ಷಿಯಾಯಿತು.

ಡಾ. ಶಿವಮೂರ್ತಿ ಮುರುಘಾ ಶರಣರು ಮಾತನಾಡಿ, ವೃಕ್ಷ ಸಂತಾನಕ್ಕೂ ಹೆಚ್ಚು ಪ್ರಾಮುಖ್ಯತೆ ನೀಡಬೇಕು. ಇದರಿಂದ ಜಾಗತಿಕ ತಾಪಮಾನ ಕಡಿಮೆಯಾಗುತ್ತದೆ. ಅಲ್ಲದೆ, ಕಾಲ ಕಾಲಕ್ಕೆ ಸರಿಯಾಗಿ ಮಳೆ ಬೆಳೆಯಾಗಲು ಸಹಾಯವಾಗುತ್ತದೆ. ಜಾತಿ, ಜಾತಿಗಳನ್ನು ಬೆಸೆಯುವ ಸಲುವಾಗಿ ಮಠದಲ್ಲಿ ಅಂತರ್ಜಾತಿ ವಿವಾಹಗಳನ್ನು ಜರುಗಿಸಲಾಗುತ್ತಿದೆ ಎಂದು ವಿವರಿಸಿದರು.

ಸಾಹಿತಿ ಕು.ವೀರಭದ್ರಪ್ಪ ಮಾತನಾಡಿ, ಇಂದಿನ ದಿನಮಾನಗಳಲ್ಲಿ ಸರಳ ವಿವಾಹಗಳ ಅಗತ್ಯ ಬಹಳಷ್ಟಿದೆ. ಅದಕ್ಕೆ ಎಲ್ಲರೂ ಬೆಂಬಲ ಕೊಟ್ಟು ಹೆಚ್ಚು ಜನಪ್ರಿಯಗೊಳಿಸಬೇಕು. ಈ ಮೂಲಕ ಆಡಂಬರದ ಮದುವೆಗಳಿಗೆ ಕಡಿವಾಣ ಹಾಕಬಹುದು ಎಂದರು.

For All Latest Updates

ABOUT THE AUTHOR

...view details