ಚಿಕ್ಕಮಗಳೂರು:ಒಂದೆಡೆ ಹೆಮ್ಮಾರಿ ಕೊರೊನಾದಿಂದ ಜನ ಕಂಗಾಲಾಗಿದ್ದಾರೆ. ಮತ್ತೊಂದೆಡೆ ಲಾಕ್‍ಡೌನ್‍ನಿಂದ ಹೊತ್ತಿನ ತುತ್ತಿಗೂ ಪರದಾಡುವ ಪರಿಸ್ಥಿತಿ ನಿರ್ಮಾಣವಾಗಿದೆ. ಕಳೆದ ಒಂದೆರಡು ತಿಂಗಳ ಜನತಾ ಕರ್ಫ್ಯೂ, ಲಾಕ್ಡೌನ್ ವೇಳೆಯಲ್ಲಿ ಜನಸಾಮಾನ್ಯರು ಪಟ್ಟಪಾಡು ಅಷ್ಟಿಷ್ಟಲ್ಲ. ಕೆಲವರು ದುಡಿಮೆಯೇ ಇಲ್ಲದೆ ಹಸಿವಿನಿಂದ ಹೈರಾಣಾದರೆ, ಮತ್ತೆ ಕೆಲವರಿಗೆ ಹೋಟೆಲ್ಗಳಿಲ್ಲದ ಕಾರಣಕ್ಕೆ ಊಟಕ್ಕಾಗಿ ಪರದಾಡುವಂತಾಯಿತು. ಆದರೆ, ಚಿಕ್ಕಮಗಳೂರು ಜನರ ಹಸಿವು ನೀಗಿಸಲು ಸಹಾಯ್ ತಂಡ ರೆಡಿಯಾಗಿದೆ.
ನೀವು ಚಿಂತೆ ಮಾಡ್ಬೇಡಿ. ಉಪವಾಸವೂ ಇರಬೇಡಿ. ಈ ನಂಬರ್ಗೆ ಕರೆ ಮಾಡಿ. ನಿಮ್ಮ ಹೊಟ್ಟೆ ನಾವು ತುಂಬಿಸ್ತೀವಿ ಅಂತಿದ್ದಾರೆ ಕಾಫಿನಾಡಿನ ಸಹಾಯ್ ತಂಡದ ಸದಸ್ಯರು.
ಚಿಕ್ಕಮಗಳೂರು ನಗರದ ಸಹಾಯ್ ಎಂಬ ಹೆಸರಿನ ತಂಡ ಜನರ ಹಸಿವನ್ನ ನೀಗಿಸುತ್ತಿದೆ. ಕೊರೊನಾ ಸೋಂಕಿನಿಂದ ಮನೆಯಲ್ಲೇ ಲಾಕ್ ಆಗಿದ್ದವರು ಒಂದು ಕರೆ ಮಾಡಿದರೆ ಸಾಕು, ಬಾಗಿಲಿಗೆ ಊಟ ಬರುತ್ತೆ. ದುಡಿಮೆಯೇ ಇಲ್ದೆ ಊಟಕ್ಕೆ ಪರದಾಡ್ತಿದ್ರೂ ಚಿಂತೆ ಬೇಡ, ಆಗಲೂ ಸಹಾಯ್ ತಂಡ ಫ್ರೀಯಾಗಿ ಆಹಾರ ನೀಡುತ್ತೆ.