ದಶಕಗಳಿಂದ ದೊರೆತಿಲ್ಲ ರಸ್ತೆ ಭಾಗ್ಯ: ತೆಪ್ಪದ ಮೂಲಕ ಶವ ಸಾಗಿಸಿದ ಗ್ರಾಮಸ್ಥರು!

ಚಿಕ್ಕಮಗಳೂರು ಜಿಲ್ಲೆಯಲ್ಲಿ ತಮ್ಮ ಗ್ರಾಮಕ್ಕೆ ಹೋಗಲು ರಸ್ತೆ ಇಲ್ಲದೆ ನದಿಯ ನೀರಿನಲ್ಲಿ ತೆಪ್ಪದ ಮೇಲೆಯೇ ಶವವನ್ನು ಗ್ರಾಮಸ್ಥರು ಸಾಗಿಸಿಕೊಂಡು ಹೋಗಿರುವ ಘಟನೆ ನಡೆದಿದೆ.

ಚಿಕ್ಕಮಗಳೂರು: ಜಿಲ್ಲೆಯಲ್ಲಿ ತಮ್ಮ ಗ್ರಾಮಕ್ಕೆ ಹೋಗಲು ರಸ್ತೆ ಇಲ್ಲದೆ ನದಿಯ ನೀರಿನಲ್ಲಿ ತೆಪ್ಪದ ಮೇಲೆ ಸಂಬಂಧಿಕರು ಶವ ಸಾಗಿಸಿಕೊಂಡು ಹೋಗಿರುವ ಘಟನೆ ನಡೆದಿದೆ.

ಜಿಲ್ಲೆಯ ಮೂಡಿಗೆರೆ ತಾಲೂಕಿನ ಹೊಳೆಕುಡಿಗೆ ಗ್ರಾಮದಲ್ಲಿ ಈ ಘಟನೆ ನಡೆದಿದೆ.

ಗ್ರಾಮದ ರಾಘವೇಂದ್ರ (29) ಇಂದು ಮಂಗಳೂರಿನಲ್ಲಿ ಮೃತಪಟ್ಟಿದ್ದರು. ಕಳೆದೊಂದು ವಾರದಿಂದ ಕಾಮಾಲೆ ಕಾಯಿಲೆಯಿಂದ ನಗರದ ಖಾಸಗಿ ಅಸ್ಪತ್ರೆಗೆ ದಾಖಲಾಗಿ ಚಿಕಿತ್ಸೆ ಪಡೆಯುತ್ತಿದ್ದರು. ಆದ್ರೆ ಚಿಕಿತ್ಸೆ ಫಲಕಾರಿಯಾಗದೆ ಮೃತಪಟ್ಟಿದ್ದು, ಮೃತದೇಹವನ್ನು ತೆಪ್ಪದ ಮೂಲಕ ಗ್ರಾಮಕ್ಕೆ ಸಾಗಿಸಿದ್ದಾರೆ.

ಈ ಭಾಗದಲ್ಲಿ ರಸ್ತೆ ಇಲ್ಲವೆಂದು ಹಲವಾರು ಬಾರಿ ಗ್ರಾಮದ ಜನರು ಅಳಲು ತೋಡಿಕೊಂಡಿದ್ದಾರೆ. ಆದ್ರೂ ಯಾವುದೇ ಪ್ರಯೋಜನವಾಗಿಲ್ಲ ಎಂದು ಗ್ರಾಮಸ್ಥರು ದೂರಿದ್ದಾರೆ.

ಕಳೆದ ಹಲವು ದಶಕಗಳಿಂದ ರಸ್ತೆಯಿಲ್ಲದೆ ತೆಪ್ಪದ ಮೂಲಕವೇ ಇಲ್ಲಿನ 6 ಕುಟುಂಬದ ಜನರು ಸಂಚರಿಸುತ್ತಿದ್ದಾರೆ.