ಸಾಮಾಜಿಕ ಜಾಲತಾಣದ ಪವರ್​​... 8 ವರ್ಷದ ಬಳಿಕ ಮನೆ ಸೇರಿದ ಮಾನಸಿಕ ಅಸ್ವಸ್ಥ

ಕೇರಳದ ನೆರವಾರಂನ ನಿವಾಸಿ ಪ್ರಸಾದ್​ ಎಂಬಾತ 8 ವರ್ಷದ ಹಿಂದೆ ಕುಟುಂಬದಿಂದ ತಪ್ಪಿಸಿಕೊಂಡಿದ್ದರು. ಇವರ ಫೋಟೋವನ್ನು ಮಂಗಳೂರಿನ ಅಡಿಕೆ ವ್ಯಾಪಾರಿ ಸಾಮಾಜಿಕ ಜಾಲತಾಣದಲ್ಲಿ ಹರಿಬಿಟ್ಟಿದ್ದರು.

ಚಿಕ್ಕಮಗಳೂರು:ಸಾಮಾಜಿಕ ಜಾಲತಾಣಗಳ ಅನುಕೂಲ, ಅನಾನುಕೂಲಗಳ ಬಗ್ಗೆ ಇತ್ತೀಚೆಗೆ ತುಂಬಾ ಚರ್ಚೆಗಳು ನಡೆಯುತ್ತಿವೆ.. ಎಷ್ಟೋ ಅಪರಾಧ ಕೃತ್ಯಕ್ಕೂ ಸಾಮಾಜಿಕ ಜಾಲತಾಣಗಳೆ ಕಾರಣ ಎಂಬ ದೂರುಗಳು ಕೇಳಿ ಬಂದಿವೆ. ಆದರೆ, ಮಾನಸಿಕ ಅಸ್ವಸ್ಥನೊಬ್ಬ 8 ವರ್ಷದ ಬಳಿಕ ತನ್ನ ಕುಟುಂಬವನ್ನು ಸೇರಲು ಈ ಸಾಮಾಜಿಕ ಜಾಲತಾಣ ನೆರವಾಗಿದೆ.

ಕೇರಳದ ಮಾನಸಿಕ ರೋಗಿ ಪ್ರಸಾದ್

ಹೌದು. ಚಿಕ್ಕಮಗಳೂರು ಜಿಲ್ಲೆಯ ತರೀಕೆರೆಯಲ್ಲಿ ಕಳೆದ 8 ತಿಂಗಳಿಂದ ಪ್ರಸಾದ್ ಎಂಬ ಮಾನಸಿಕ ಅಸ್ವಸ್ಥ ರಸ್ತೆಯಲ್ಲಿ ಅಲೆದಾಡಿಕೊಂಡು ಎಲ್ಲೆಂದರಲ್ಲಿ ಮಲಗುತ್ತಿದ್ದ. ಈ ವ್ಯಕ್ತಿಯ ಫೋಟೋವನ್ನು ಸ್ಥಳೀಯ ಅಡಿಕೆ ವ್ಯಾಪಾರಿ ಫೇಸ್ ಬುಕ್​ನಲ್ಲಿ ಆಪ್ ಲೋಡ್ ಮಾಡಿ, ಹೆಸರು ಹಾಗೂ ವಿಳಾಸ ಹಾಕಿದ್ದಾರೆ. ಇದು ವೈರಲ್ ಕೂಡ ಆಗಿದೆ.

ಕೂಡಲೇ ಕೇರಳದ ವಯನಾಡಿನ ನೆರವಾರಂನಲ್ಲಿರುವ ಈತನ ಕುಟುಂಬದ ಸದಸ್ಯರು ಪೋಟೋ ಗಮನಿಸಿ ಕೂಡಲೇ ತರೀಕೆರೆಗೆ ಬಂದು ಪ್ರಸಾದ್​ ಅನ್ನು ಭೇಟಿಯಾಗಿ, ಮನೆಗೆ ಕರೆದುಕೊಂಡು ಹೋಗಿದ್ದಾರೆ. 8 ವರ್ಷಗಳ ಹಿಂದೆ ಪ್ರಸಾದ್ ಕೇರಳದ ಮನೆಯಿಂದ ತಪ್ಪಿಸಿಕೊಂಡು ಅಲೆದಾಡುತ್ತಿದ್ದ ಎಂದು ಹೇಳಿದ್ದಾರೆ. ಹುಡುಕಿಕೊಟ್ಟ ವ್ಯಾಪಾರಿಗೆ ಧನ್ಯವಾದ ತಿಳಿಸಿದ್ದಾರೆ.