ಚಿಕ್ಕಮಗಳೂರು:ಬಿಂದಾಸ್ ಸ್ಟೆಪ್ಸ್ ಹಾಕ್ತಿರೋ ವರ. ವರನಿಗೆ ಸಾಥ್ ನೀಡ್ತಿರೋ ವಧು. ವಧು-ವರರ ಹೆಜ್ಜೆಗೆ ಹೆಜ್ಜೆಯಾಗ್ತಿರೋ ಜನ. ಇದೆಲ್ಲ ಕಂಡು ಬಂದಿದ್ದು ಚಿಕ್ಕಮಗಳೂರಿನ ನಿರಾಶ್ರಿತರ ಕೇಂದ್ರದಲ್ಲಿ. ಹೌದು ಕಾಫಿನಾಡು ವಿಶೇಷ ಮದುವೆ ಸಮಾರಂಭವೊಂದಕ್ಕೆ ಸಾಕ್ಷಿಯಾಗಿದೆ.
ಚಿಕ್ಕಮಗಳೂರಿನ ನಿರಾಶ್ರಿತ ಕೇಂದ್ರದಲ್ಲಿ ನಡೆದ ಮದುವೆ ಸಮಾರಂಭ
ಇವರ ಹೆಸರು ಕುಮಾರ್, ಈಕೆ ರೇಣುಕಾ. ಈ ಜೋಡಿಹಕ್ಕಿ ಮೂಲತಃ ಚಿತ್ರದುರ್ಗ ಜಿಲ್ಲೆಯವರು. ಕಳೆದ ಮೂರು ವರ್ಷಗಳ ಹಿಂದೆ ಗಾರೆ ಕೆಲಸ ಮಾಡುವಾಗ ಇವರಿಬ್ಬರಿಗೂ ಚನ್ನಗಿರಿಯಲ್ಲಿ ಪ್ರೇಮಾಂಕುರವಾಗಿತ್ತು. ಅಲ್ಲಿಂದ ಚಿಕ್ಕಮಗಳೂರಿನ ಸಖರಾಪಟ್ಟಣದಲ್ಲಿ ನೆಲೆಸಿದ್ದರು. ಒಟ್ಟಿಗೆ ಇದ್ದರೂ ಮದುವೆ ಆಗಿರಲಿಲ್ಲ. ಕೊರೊನಾ ಎರಡನೇ ಅಲೆಯ ಅಬ್ಬರದಲ್ಲಿ ಕೆಲಸ ಸಿಗದಿದ್ದಾಗ ಚಿಕ್ಕಮಗಳೂರಲ್ಲಿ ಪ್ಲಾಸ್ಟಿಕ್ ಆರಿಸಿಕೊಂಡು ಜೀವನ ನಡೆಸುತ್ತಿದ್ದರು. ಆಗ ಕಾಫಿನಾಡಿನಲ್ಲಿನ ನಿರಾಶ್ರಿತರ ಕೇಂದ್ರ ಮಲೆನಾಡು ಕ್ರೈಸ್ತ ಸಂಘ ಇವರಿಗೆ ಸೂರು ಕಲ್ಪಿಸಿತ್ತು.