ಚಿಕ್ಕಮಗಳೂರು:ಯಾರಿಗೆ ತನ್ನ ತಾಯಿಯ ಬಗ್ಗೆ ಅನುಮಾನ ಇರುತ್ತೆ, ಯಾರು ಸೈನದ ಬಗ್ಗೆ ಅನುಮಾನ ಪಡುತ್ತಾರೆ ಅಂತವರು ಇಂತಹವನ್ನು ಪ್ರಶ್ನಿಸುತ್ತಾರೆ ಎಂದು ಪ್ರವಾಸೋದ್ಯಮ ಸಚಿವ ಸಿ.ಟಿ. ರವಿ ಕಾಂಗ್ರೆಸ್ ಪಕ್ಷದ ಮೇಲೆ ಕಿಡಿ ಕಾರಿದ್ದಾರೆ.
ಜಾರ್ಖಂಡ್ ಚುನಾವಣೆಯಲ್ಲಿ ನಾವು ಸೋತಿದ್ದೇವೆ ಅದನ್ನು ಜನಾದೇಶ ಅಂತ ಸ್ವೀಕರಿಸುತ್ತೇವೆ. ಆದರೆ ಕಾಂಗ್ರೆಸ್ ಸೋತ್ತಿದ್ದರೆ ಇವಿಎಮ್ ಮೇಲೆ ಗೂಬೆ ಕೂರಿಸುತ್ತಿದ್ದರು. ಅದೇ ರೀತಿ ರಾಜಸ್ಥಾನ ಹಾಗೂ ಮಧ್ಯಪ್ರದೇಶ ದಲ್ಲಿ ನಾವು ಸೋತ್ತಿದ್ದೇವೆ ಅವರು ಗೆದ್ದಿದ್ದಾರೆ. ನಾವು ಅಲ್ಲಿಯೂ ಸಹ ಜನಾದೇಶ ಒಪ್ಪಿದ್ದೇವೆ. ಈ ರೀತಿ ಅನುಮಾನ ಪಡೋದು ಕಾಂಗ್ರೆಸ್ ಪಕ್ಷಕ್ಕೆ ಹೊಸದೇನಲ್ಲ. ಕೆಲವರಿಗೆ ತನ್ನ ತಾಯಿಯ ಮೇಲೆ ಅನುಮಾನ ಪಡುವ ಮನಸ್ಥಿತಿ ಇರುತ್ತದೆ. ಆ ಮನಸ್ಥಿತಿಗೆ ಕಾಂಗ್ರೆಸ್ ಕೂಡ ಹೋಗಿರಬಹುದು ಎಂದು ಸಿ.ಟಿ. ರವಿ ವಾಗ್ದಾಳಿ ನಡೆಸಿದ್ದಾರೆ.