ಚಿಕ್ಕಮಗಳೂರು:ಬಿಜೆಪಿ ರಾಜ್ಯಾಧ್ಯಕ್ಷ ನಳೀನ್ ಕುಮಾರ್ ಕಟೀಲ್ ಅವರ ಕಚೇರಿಯ ಮೇಲೆ ಪಿಎಫ್ಐ ಕಾರ್ಯಕರ್ತರು ಮುತ್ತಿಗೆ ಹಾಕಿರುವುದನ್ನು ಖಂಡಿಸುವುದಾಗಿ ಚಿಕ್ಕಮಗಳೂರಿನಲ್ಲಿ ಬಿಜೆಪಿಯ ರಾಷ್ಟ್ರೀಯ ಪ್ರಧಾನ ಕಾರ್ಯದರ್ಶಿ ಸಿ.ಟಿ ರವಿ ಹೇಳಿದ್ದಾರೆ.
ಬಿಜೆಪಿ ರಾಷ್ಟ್ರೀಯ ಪ್ರಧಾನ ಕಾರ್ಯದರ್ಶಿ ಸಿ.ಟಿ ರವಿ
'ಜಾರಿ ನಿರ್ದೇಶನಾಲಯ(ಇಡಿ) ತನಿಖೆ ಮಾಡಬಾರದು ಎಂದು ಹೇಳುವುದಕ್ಕೆ ಅವರಿಗೆ ಏನು ಅಧಿಕಾರವಿದೆ?. ಅಕ್ರಮ ಹಣ ಚಲಾವಣೆ ಮಾಡಲು ಬರುತ್ತೆ, ಇಡಿ ತನಿಖೆ ಮಾಡಬಾರದಾ?. ಸಿಎಎ ಪ್ರತಿಭಟನೆಗೆ ದೇಶ- ವಿದೇಶದಿಂದ ನೂರಾರು ಕೋಟಿ ಅಕ್ರಮ ಹಣ ಬಂದಿದೆ ಎಂಬ ಮಾಹಿತಿ ಮೇಲೆ ಅವರ ಅಕ್ರಮದ ಜಾಡು ಹಿಡಿದು ಇಡಿ ತನಿಖೆ ಮಾಡಿದರೆ ಏನು ಕಷ್ಟ?. ಕುಂಬಳ ಕಾಯಿ ಕಳ್ಳ ಅಂದ್ರೆ ಹೆಗಲು ಮುಟ್ಟಿ ನೋಡಿಕೊಂಡ ಎಂಬ ರೀತಿಯಲ್ಲಿ ಪಿಎಫ್ಐ ಯಾಕೆ ಆಡಬೇಕು' ಎಂದರು.