5 ಲಕ್ಷ ಕೊಟ್ಟರೂ ನಿರ್ಮಿಸದ ಕಾಂಪೌಂಡ್​:​ ದರ್ಗಾಕ್ಕೆ ನೋಟಿಸ್​ ಜಾರಿ ಮಾಡಿದ ವಕ್ಫ್​​​ ಮಂಡಳಿ

₹ 5 ಲಕ್ಷ ಬಿಡುಗಡೆ ಮಾಡಿದರೂ ಖಬರಸ್ಥಾನಕ್ಕೆ ಕಾಂಪೌಂಡ್​ ನಿರ್ಮಿಸದ ಕಾರಣ ಸ್ಪಷ್ಟೀಕರಣ ನೀಡುವಂತೆ ಚಿಕ್ಕಬಳ್ಳಾಪುರ ವಕ್ಫ್​ ಮಂಡಳಿಯು ಹಜರತ್ ಸೈಯದ್ ಜಲಾಲ್ ಖಾಕಿ ಷಾ ದರ್ಗಾಕ್ಕೆ ನೋಟಿಸ್​ ಜಾರಿ ಮಾಡಿದೆ.

ಚಿಕ್ಕಬಳ್ಳಾಪುರ: ಚಿಂತಾಮಣಿ ತಾಲೂಕಿನ ನಿಮ್ಮಕಾನಹಳ್ಳಿ ಗ್ರಾಮದ ಹಜರತ್ ಸೈಯದ್ ಜಲಾಲ್ ಖಾಕಿ ಷಾ ದರ್ಗಾದ ಸಮೀಪದ ಖಬರಸ್ಥಾನ ಕಾಂಪೌಂಡ್ ನಿರ್ಮಿಸಲು ಕರ್ನಾಟಕ ರಾಜ್ಯ ವಕ್ಫ್ ಮಂಡಳಿ ₹ 5 ಲಕ್ಷ ಬಿಡುಗಡೆ ಮಾಡಿದ್ದರೂ ಕಾಮಗಾರಿ ಕೈಗೊಳ್ಳದ ಕಾರಣ ಜಿಲ್ಲಾ ವರ್ಕ್ಫ್ ಮಂಡಳಿ ದರ್ಗಾದ ಅಧ್ಯಕ್ಷರಿಗೆ ನೋಟಿಸ್ ಜಾರಿ ಮಾಡಿದೆ.

ನೋಟಿಸ್​​

ಕಾಂಪೌಂಡ್ ಕುಸಿದ ಪರಿಣಾಮ ಸರಿಪಡಿಸಲು ಕರ್ನಾಟಕ ವರ್ಕ್ಪ್ ಬೋರ್ಡ್ ಮಂಡಳಿ ₹ 5 ಲಕ್ಷ ಬಿಡುಗಡೆ ಮಾಡಿತ್ತು. ಆದರೆ, ಹಲವು ತಿಂಗಳಾದರೂ ಕಾಮಗಾರಿ ನಡೆಯದ ಕಾರಣ ಜಿಲ್ಲಾ ವರ್ಕ್ಫ್ ಬೋರ್ಡ್ ಮಂಡಳಿ 7 ದಿನಗಳ ಒಳಗೆ ಕಾಮಗಾರಿ ಖರ್ಚು ವೆಚ್ಚಗಳ ಕುರಿತು ಸ್ಪಷ್ಟೀಕರಣ ನೀಡದಿದ್ದಲ್ಲಿ ಕಾನೂನು ಕ್ರಮ ಜರುಗಿಸುತ್ತೇವೆ ಎಂದು ಮೇ 28ರಂದು ನೋಟಿಸ್​ ಜಾರಿಗೊಳಿಸಿದೆ.

ದರ್ಗಾ ಕಮಿಟಿ ಅಧ್ಯಕ್ಷರು ಮತ್ತು ಕಾರ್ಯದರ್ಶಿ ಖಬರಸ್ಥಾನ ಗೋಡೆ ಕಾಂಪೌಂಡ್ ನಿರ್ಮಿಸಲು ಏಕೆ ಮುಂದಾಗಲಿಲ್ಲ. ಹಾಗಾದರೆ ಖಾತೆಯಿಂದ ಹಣ ಡ್ರಾ ಮಾಡಿರುವ ಹಣ ಏನಾಯಿತು? ಹೀಗೆ ಸಾಕಷ್ಟು ಪ್ರಶ್ನೆಗಳು ಕಮಿಟಿ ವಲಯದಲ್ಲಿ ಕೇಳಿ ಬರುತ್ತಿವೆ.