ಚಿಕ್ಕಬಳ್ಳಾಪುರ: ರಾಜ್ಯಾದ್ಯಂತ ಉತ್ತಮ ಮಳೆ ಆದರೂ ಈ ಜಿಲ್ಲೆಗೆ ಹೇಳುವಂತಹ ಮಳೆ ಆಗಿಲ್ಲ. ಬರೇ ಮೋಡ ಮುಸುಕಿದ ವಾತಾವರಣ ತುಂತುರು ಮಳೆ, ಆಗಾಗ ಬಿಸಿಲು. ಈ ವಾತಾವರಣ ಕೃಷಿಯ ಮೇಲೆ ಅಡ್ಡ ಪರಿಣಾಮ ಬೀರಿದೆ. ರೈತರಿಗೆ ಕೀಟ ನಾಶಕಗಳನ್ನು ಸಿಂಪಡಿಸಿದಷ್ಟೂ ಸಾಕಾಗದ ಪರಿಸ್ಥಿತಿ ಈ ಹವಾಮಾನದಿಂದ ನಿರ್ಮಾಣವಾಗಿದೆ.
ಬೆಳೆದ ಬೆಳೆಗಳಿಗೆ ಎಲ್ಲಿಲ್ಲದ ರೋಗಬಾಧೆ, ಕೀಟ ಬಾಧೆ ಕಾಡುತ್ತಿದೆ. ಇದರಿಂದ ರೈತರು ಬೆಳೆದ ಬೆಳೆಗಳನ್ನು ಉಳಿಸಿಕೊಳ್ಳೋಕೆ ಕ್ರಿಮಿನಾಶಕಗಳ ಮೊರೆ ಹೋಗುವಂತಾಗಿದೆ. ವಾರಕ್ಕೊಮ್ಮೆ ಕ್ರಿಮಿನಾಶಕ ಸಿಂಪಡಣೆ ಮಾಡ್ತಿದ್ದವರು ಈಗ ಮೂರ್ನಾಲ್ಕು ಬಾರಿ ಮಾಡುವಂತಾಗಿದೆ.
ಬೆಳದ ಬೆಳೆಯನ್ನು ಕೀಟದ ಸಮಸ್ಯೆಯಿಂದ ತಪ್ಪಿಸುವುದರಲ್ಲೇ ರೈತನ ಬದುಕು ಹೈರಾಣಾಗಿದೆ
ಚಿಕ್ಕಬಳ್ಳಾಪುರ ಜಿಲ್ಲೆ ಬೆಂಗಳೂರು ಮಹಾನಗರದ ಜನತೆಯ ಪಾಲಿಗೆ ವೆಜಿಟಿನಲ್ ಬ್ಯಾಸ್ಕೆಟ್, ಪ್ರೂಟ್ ಬೌಲ್. ಹೂ, ಹಣ್ಣು, ತರಕಾರಿಗಳನ್ನು ಬೆಳೆಯುವುದರಲ್ಲಿ ಚಿಕ್ಕಬಳ್ಳಾಪುರ ಜಿಲ್ಲೆಯ ರೈತರು ಫೇಮಸ್. ಕೇವಲ ಬೆಂಗಳೂರು ಅಷ್ಟೇ ಅಲ್ಲದೆ ಅಂತಾರಾಜ್ಯ ದೇಶ ವಿದೇಶಿಗಳಿಗೂ ಇಲ್ಲಿಂದ ರಫ್ತು ಮಾಡುತ್ತಾರೆ.