ನಿಮ್ಮ ಗುಂಪುಗಳಿಗೆ, ರೌಡಿಸಂಗೆ ನಾನು ಹೆದರೋನಲ್ಲ: ಶಾಸಕ ಸುಬ್ಬಾರೆಡ್ಡಿ

ಗುಂಪು ಗುಂಪಾಗಿ ಬಂದ್ರೆ, ರೌಡಿಸಂ ಮಾಡೋರಿಗೆ  ಹೆದರುವಂತ ಎಂಎಲ್​ಎ ನಾನಲ್ಲ. ಬಡವ, ಸ್ವಾಮಿ ಅನ್ನೋರ ಕಾಲು ಹಿಡಿಯೋಕು ನಾನು ರೆಡಿ. ಯಾರಾದ್ರೂ ದೌರ್ಜನ್ಯ ಮಾಡಿದ್ರೆ ಅವರನ್ನ ಮಟ್ಟ ಹಾಕೋದೇ ನನ್ನ ಗುರಿ ಎಂದು ಶಾಸಕ ಎಸ್.ಎನ್ ಸುಬ್ಬಾರೆಡ್ಡಿ ಹೇಳಿದ್ದಾರೆ.

ಚಿಕ್ಕಬಳ್ಳಾಪುರ:ನಿಮ್ಮ ಗುಂಪುಗಳಿಗೆ, ರೌಡಿಸಂಗೆ ನಾನು ಹೆದುರುವುದಿಲ್ಲ ಎಂದು ಶಾಸಕ ಎಸ್.ಎನ್.ಸುಬ್ಬಾರೆಡ್ಡಿ ಗೆಗ್ಗಿರಾಲ್ಲಹಳ್ಳಿಯಲ್ಲಿ ಗಲಾಟೆ ಮಾಡಿದವರಿಗೆ ವಾರ್ನಿಂಗ್​ ಮಾಡಿದ್ದಾರೆ.

ಗುಡಿಬಂಡೆ ತಾಲೂಕು ಸೋಮೇಶ್ವರ ಗ್ರಾಮದಲ್ಲಿ ಮಾತನಾಡಿದ ಅವರು, ನಾನು ನನ್ನ ಕ್ಷೇತ್ರದಲ್ಲಿ ಹಲವು ಸಾಮಾಜಿಕ ಕಾರ್ಯಕ್ರಮಗಳನ್ನು ಮಾಡಿಕೊಂಡು ಬಂದಿದ್ದೇನೆ. ಆದರೆ ಅದನ್ನು ಕೆಲವರು ದುರುಪಯೋಗ ಪಡಿಸಿಕೊಳ್ಳುತ್ತಿದ್ದಾರೆ. ಗುಂಪು ಗುಂಪಾಗಿ ಬಂದ್ರೆ, ರೌಡಿಸಂ ಮಾಡೋರಿಗೆ ಹೆದರುವಂತ ಎಂಎಲ್​ಎ ನಾನಲ್ಲ. ಬಡವ, ಸ್ವಾಮಿ ಅನ್ನೋರ ಕಾಲು ಹಿಡಿಯೋಕು ನಾನು ರೆಡಿ. ಯಾರಾದ್ರೂ ದೌರ್ಜನ್ಯ ಮಾಡುದ್ರೆ ಅವರನ್ನ ಮಟ್ಟ ಹಾಕೋದೇ ನನ್ನ ಗುರಿ ಎಂದರು.