ಚಿಕ್ಕಬಳ್ಳಾಪುರ :ಕೆಎಸ್ಆರ್ಟಿಸಿ ಬಸ್ನಲ್ಲಿ ವ್ಯಕ್ತಿಯೊಬ್ಬ ತನ್ನ ಜೊತೆ ತೆಗೆದುಕೊಂಡು ಹೊರಟಿದ್ದ ಕೋಳಿಗೂ ಕೂಡ ನಿರ್ವಾಹಕ ಅರ್ಧ ಟಿಕೆಟ್ ನೀಡಿದ್ದು, ಈ ವಿಚಾರವು ಸಾಮಾಜಿಕ ಜಾಲತಾಣಗಳಲ್ಲಿ ಸಖತ್ ಟ್ರೋಲ್ ಆಗುತ್ತಿದೆ.
ತಾಲೂಕಿನ ಪೆರೇಸಂದ್ರದಲ್ಲಿ ವ್ಯಕ್ತಿಯೊಬ್ಬ ಇನ್ನೇನು ಶ್ರಾವಣ ಮಾಸ ಮುಗಿಯುತ್ತೆ ಎಂಬ ಖುಷಿಯಲ್ಲಿ ಮನೆಗೆ ಕೋಳಿ ಖರೀದಿಸಿಕೊಂಡು ಸೋಮೇಶ್ವರಕ್ಕೆ ಹೋಗಲು ಕೆಎಸ್ಆರ್ಟಿಸಿ ಬಸ್ ಹತ್ತಿದ್ದ. ಆಗ ಬಸ್ ಕಂಡಕ್ಟರ್ ಪ್ರಯಾಣಿಕನ ಜೊತೆಗೆ ಇದ್ದ ನಾಟಿ ಕೋಳಿಗೂ ಅರ್ಧ ಟಿಕೆಟ್ ನೀಡಿದ್ದಾರೆ.
ಪೆರೇಸಂದ್ರದಿಂದ ಸೋಮೇಶ್ವರಕ್ಕೆ ತೆರಳುವ ಕೆಎಸ್ಆರ್ಟಿಸಿ ಬಸ್ನಲ್ಲಿ ಕೋಳಿ ತೆಗೆದುಕೊಂಡು ಹೋಗುತ್ತಿದ್ದ ವ್ಯಕ್ತಿಯನ್ನು ಗಮನಿಸಿದ ಕಂಡಕ್ಟರ್, ಆತನಿಗೆ ಪೂರ್ತಿ ಟಿಕೆಟ್ ಹಾಗೂ ಕೋಳಿಗೆ ಅರ್ಧ ಟಿಕೆಟ್ (5ರೂ) ಚಾರ್ಜ್ ಮಾಡಿದ್ದಾರೆ. ಟಿಕೆಟ್ ಹಾಗೂ ಕೋಳಿಯೊಂದಿಗೆ ತೆರಳುತ್ತಿದ್ದ ವ್ಯಕ್ತಿಯ ಫೋಟೊ ಸಾಮಾಜಿಕ ಜಾಲತಾಣಗಳಲ್ಲಿ ಭಾರಿ ಟ್ರೋಲ್ ಆಗಿದೆ.
ಕೋಳಿಗೆ ಅರ್ಧ ಟಿಕೆಟ್ ನೀಡಿದ ಪ್ರಯಾಣಿಕ ಅದನ್ನು ತನ್ನ ಪಕ್ಕ ಕೂರಿಸಿಕೊಂಡು ಪ್ರಯಾಣಿಸಿದ್ದಾನೆ. ಈ ಹಿಂದೆಯೂ ಕೂಡ ನಿರ್ವಾಹಕ ಕೋಳಿಗೆ ಟಿಕೆಟ್ ನೀಡಿದ್ದ ಬಗ್ಗೆ ವೈರಲ್ ಆಗಿತ್ತು.
ಇದನ್ನೂ ಓದಿ:ಇಂದಿನಿಂದ ಶಾಲಾ - ಕಾಲೇಜು ತೆರೆದ ಈ ರಾಜ್ಯಗಳು.. ತೆಲಂಗಾಣದಲ್ಲಿ ಪೂರ್ಣ ಪ್ರಮಾಣದ ತರಗತಿ ಆರಂಭ