ಗಿಡ ನೆಡುವುದರ ಮೂಲಕ ಕೆಂಪೇಗೌಡರ ಜಯಂತಿ‌ ಆಚರಿಸಿದ ಚಿಂತಾಮಣಿ ಶಾಸಕ

ಚಿಕ್ಕಬಳ್ಳಾರ ಜಿಲ್ಲೆಯ ಚಿಂತಾಮಣಿಯಲ್ಲಿ 300 ಗಿಡನೆಡುವುದರ ಮೂಲಕ ನಾಡಪ್ರಭು ಕೆಂಪೇಗೌಡರ 511ನೇ ಜಯಂತಿಯನ್ನ ಆಚರಣೆ ಮಾಡಲಾಯಿತು.

ಚಿಂತಾಮಣಿ (ಚಿಕ್ಕಬಳ್ಳಾಪುರ) :ಚಿಂತಾಮಣಿ ಶಾಸಕ ಎಂ.ಕೃಷ್ಣಾರೆಡ್ಡಿ ಗಿಡ ನೆಡುವುದರ ಮೂಲಕ ನಾಡಪ್ರಭು ಕೆಂಪೇಗೌಡರ ಜಯಂತಿ ಆಚರಣೆ ಮಾಡಿದ್ದಾರೆ.

ನಾಡಪ್ರಭು ಕೆಂಪೇಗೌಡರ 511ನೇ ಜಯಂತಿ ಅಂಗವಾಗಿ ಅರಣ್ಯ ಇಲಾಖೆ ವತಿಯಿಂದ ನಗರದ 31ನೇ ವಾರ್ಡ್​ನ ತಿಮ್ಮಸಂದ್ರದಲ್ಲಿ ಗಿಡ ನೀಡುವ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿತ್ತು. ಸುಮಾರು 300 ಗಿಡಗಳನ್ನ ನೆಡುವು ಕಾರ್ಯಕ್ರಮಕ್ಕೆ ಚಾಲನೆ ನೀಡಿದ ಶಾಸಕ ಎಂ.ಕೃಷ್ಣಾರೆಡ್ಡಿ, ಕೆಂಪೇಗೌಡರನ್ನ ಸ್ಮರಿಸಿದರು.

ಈ ವೇಳೆ ಅರಣ್ಯಾಧಿಕಾರಿ ಜಯಚಂದ್ರ, ಪೌರಾಯುಕ್ತ ಹರೀಶ್, ನಗರಸಭಾ ಸದಸ್ಯ ಶೇಖ್ ಸಾಧಿಕ್ ರಜ್ವಿ ಮತ್ತಿತರರು ಉಪಸ್ಥಿತರಿದ್ದರು.