ಚಿಕ್ಕಬಳ್ಳಾಪುರ:ಹೇಳಿ ಕೇಳಿ ರಿಂಗ್ ಮಾಸ್ಟರ್, ಸ್ಟೈಲಿಷ್ ಹೆಲ್ತ್ ಮಿನಿಸ್ಟರ್ ಡಾ.ಕೆ.ಸುಧಾಕರ್ ಅವರ ತವರು ಜಿಲ್ಲೆ ಚಿಕ್ಕಬಳ್ಳಾಪುರ, ಮೂರು ಬಾರಿ ಸುಧಾಕರ್ಗೆ ಪುನರ್ಜನ್ಮ ನೀಡಿದ ಕ್ಷೇತ್ರ, ಜನರು ಸುಧಾಕರ್ ಮೇಲೆ ಭರವಸೆಗಳ ಗೋಪುರ ಕಟ್ಟಿಕೊಂಡಿದ್ದಾರೆ. ಅದೇ ಜಿಲ್ಲೆಯಲ್ಲಿರುವ ಜಿಲ್ಲಾ ಆಸ್ಪತ್ರೆಯಲ್ಲಿ ಹೆರಿಗೆ ಮಾಡಲು ಆಸ್ಪತ್ರೆ ಸಿಬ್ಬಂದಿ ಎರಡು ಸಾವಿರಕ್ಕೂ ಅಧಿಕ ಲಂಚವನ್ನು ನೇರವಾಗಿ ಕೇಳುತ್ತಿರುವ ಘಟನೆ ಬೆಳಕಿಗೆ ಬಂದಿದೆ.
ಇಲ್ಲಿನ ಜಿಲ್ಲಾ ಆಸ್ಪತ್ರೆಯಲ್ಲಿ ಹೆರಿಗೆಗೆಂದು ಹೋದರೆ ಆಸ್ಪತ್ರೆ ಸಿಬ್ಬಂದಿ ಹೆರಿಗೆ ಮಾಡಿಸಬೇಕಾದರೆ, ಎರಡು ಸಾವಿರ ಲಂಚ ಕೇಳುತ್ತಾರೆ. ಆ ಎರಡು ಸಾವಿರ ಲಂಚ ಕೊಟ್ಟರೂ, ಅದು ಸಾಕಾಗಲ್ಲ ಎಂದು ರೋಗಿ ಮನೆಯವರಿಗೆ ಸಿಬ್ಬಂದಿ ನೇರವಾಗಿಯೇ ಹೇಳುತ್ತಾರಂತೆ. ತುರ್ತು ಚಿಕಿತ್ಸೆಗೆ ಎಂದು ಗುಡಿಬಂಡೆ ಸರ್ಕಾರಿ ಆಸ್ಪತ್ರೆಯಿಂದ ಜಿಲ್ಲಾಸ್ಪತ್ರೆಗೆ ರೆಫರ್ ಮಾಡಿ ಆ್ಯಂಬುಲೆನ್ಸ್ನಲ್ಲಿ ಕರೆತಂದ ರೋಗಿಗಳನ್ನು ಎರಡು ಮೂರು ಗಂಟೆ ಕಳೆದರೂ ವೈದ್ಯರು ಲೆಕ್ಕಿಸದೇ ನಿರ್ಲಕ್ಷ್ಯ ತೋರುತ್ತಿದ್ದಾರೆ ಎಂಬ ಆರೋಪ ಕೇಳಿ ಬರುತ್ತಿದೆ.