ಕೊರೊನಾ ಕುರಿತು ಬುದ್ಧಿವಾದ ಹೇಳಿದ್ದೇ ತಪ್ಪಾಯ್ತು; ಮಚ್ಚು ಹಿಡಿದು ಯುವಕನ ದರ್ಪ

ಶಿಡ್ಲಘಟ್ಟ ತಾಲೂಕಿನ ಹಿತ್ತಲಹಳ್ಳಿ ಗ್ರಾಮದ ಹರೀಶ್ ಎಂಬ ಯುವಕ ಏರ್ಪೋರ್ಟ್​ ಕೆಲಸಕ್ಕೆ ಹೋಗುತ್ತಿದ್ದ. ಆದ್ರೆ, ಕೊರೊನಾ ಹಿನ್ನೆಲೆ ಆತನಿಗೆ ರಜೆ ನೀಡಿದ್ದ ಕಾರಣ ಗ್ರಾಮದ ಎಲ್ಲಾ ಯುವಕರನ್ನು ಸೇರಿಸಿಕೊಂಡು ರಾತ್ರಿ 12ರ ತನಕ ಅಶ್ವತ್ಥಕಟ್ಟೆ ಹಾಗೂ ರಸ್ತೆಯಲ್ಲಿ ಕೂರುತ್ತಿದ್ದ. ಹೀಗಾಗಿ ಊರಿನ ಕೆಲವರು ಆತನಿಗೆ ಬುದ್ಧಿವಾದ ಹೇಳಿದ್ದಾರೆ.

ಚಿಕ್ಕಬಳ್ಳಾಪುರ:ಗ್ರಾಮದಲ್ಲಿ ಗುಂಪು ಕಟ್ಟಿಕೊಂಡು ಮಧ್ಯರಾತ್ರಿಯವರೆಗೂ ಹರಟೆ ಹೊಡೆಯುತ್ತಿದ್ದುದಕ್ಕೆ ಬುದ್ಧಿವಾದ ಹೇಳಿದ ಗ್ರಾಮಸ್ಥರಿಗೆ ಯುವಕ ಮಚ್ಚು ಹಿಡಿದು ದರ್ಪ ತೋರಿಸಿದ್ದಾನೆ. ಈ ಘಟನೆ ಜಿಲ್ಲೆಯ ಶಿಡ್ಲಘಟ್ಟ ತಾಲೂಕಿನ ಹಿತ್ತಲಹಳ್ಳಿ ಗ್ರಾಮದಲ್ಲಿ ನಡೆದಿದೆ.

ಕೊರೊನಾ ರೋಗ ಹರಡುವ ಭೀತಿಯಿದ್ದು ಜನರು ರಸ್ತೆಯಲ್ಲಿ ಗುಂಪು ಸೇರದೆ, ಮನೆಯಲ್ಲಿಯೇ ಇರಬೇಕು ಎಂದು ಹಿತ್ತಲಹಳ್ಳಿ ಗ್ರಾಮದ ಜಲಗಾರ ಗಂಗಾ ರೆಡ್ಡಿ ಎಂಬವರು ಯುವಕರಿಗೆ ಬುದ್ಧಿವಾದ ಹೇಳುತ್ತಿದ್ದರು. ಈ ಸಂದರ್ಭದಲ್ಲಿ ಯುವಕ ರೊಚ್ಚಿಗೆದ್ದು ಮಚ್ಚು ಹಿಡಿದು ಅವಾಚ್ಯ ಶಬ್ಧಗಳಿಂದ ನಿಂದಿಸೋಕೆ ಶುರು ಮಾಡಿದ್ದಾನೆ.