ಚಿಕ್ಕಬಳ್ಳಾಪುರ: ಮೈ ಮೇಲೆ ದೇವರು ಬಂದಂತೆ ಹೈಡ್ರಾಮಾ ಮಾಡಿದ ಮಹಿಳೆ.. ವಿಡಿಯೋ

ಮಹಿಳೆಯೊಬ್ಬರು ಮೈ ಮೇಲೆ ದೇವರು ಬಂದಂತೆ ಹೈಡ್ರಾಮಾ ಮಾಡಿರುವ ಘಟನೆ ಚಿಕ್ಕಬಳ್ಳಾಪುರ ತಾಲೂಕಿನ ಮುಷ್ಟೂರು ಗ್ರಾಮದಲ್ಲಿ ನಡೆದಿದೆ.

ಚಿಕ್ಕಬಳ್ಳಾಪುರ: ಆರೋಗ್ಯ ಸಚಿವ ಡಾ ಕೆ ಸುಧಾಕರ್ ಕಾರ್ಯಕ್ರಮದಲ್ಲಿ ಮಹಿಳೆಯೊಬ್ಬರು ಮೈ ಮೇಲೆ ದೇವರು ಬಂದಂತೆ ಹೈಡ್ರಾಮಾ ಮಾಡಿದ್ದಾರೆ. ವೇದಿಕೆ ಮುಂಭಾಗ ಕುಳಿತು ದೇವರು ಬಂದಂತೆ ಕಿರುಚಾಡಿರುವ ಘಟನೆ ತಾಲೂಕಿನ ಮುಷ್ಟೂರು ಗ್ರಾಮದಲ್ಲಿ ನಡೆದಿದೆ.

ಇಂದು ಮುಷ್ಟೂರು ಗ್ರಾಮದಲ್ಲಿ ಡಿಸಿಸಿ ಬ್ಯಾಂಕ್​​ನಿಂದ ಸ್ತ್ರೀ ಶಕ್ತಿ ಸಂಘಗಳಿಗೆ ಶೂನ್ಯ ಬಡ್ಡಿ ದರದಲ್ಲಿ ಸಾಲ ನೀಡುವ ಕಾರ್ಯಕ್ರಮದಲ್ಲಿ ಈ ಹೈಡ್ರಾಮಗಳು ನಡೆದಿದೆ.

ಸಚಿವ ಸುಧಾಕರ್ ಬಗ್ಗೆ ಅತಿಥಿಗಳು ಮಾತನಾಡಲು ಮುಂದಾಗಿದ್ದಾಗ ಕಾರ್ಯಕ್ರಮಕ್ಕೆ ಭಾಗಿಯಾಗಿದ್ದ ವೇಳೆ ಮೈ ಮೇಲೆ ಓಂ ಶಕ್ತಿ ದೇವರು ಬಂದಂತೆ ಕೂಗಿ ಕಿರುಚಾಡಿ ವೇದಿಕೆ ಮುಂಭಾಗ ಸಚಿವರ ಬಳಿ ಹೋಗಲು ಯತ್ನಿಸಿದ್ದಾರೆ. ಈ ವೇಳೆ, ಅಲರ್ಟ್ ಆದ ಪೊಲೀಸರು ವೇದಿಕೆ ಬಳಿ ಹೊರಟ್ಟಿದ್ದ ಮಹಿಳೆ ತಡೆದು ವೇದಿಕೆ ಕೆಳಗೆ ನಿಲ್ಲಿಸಿದ್ದಾರೆ. ಕೆಳಗೆ ಕುಳಿತ ಮಹಿಳೆ ಜೋರಾಗಿ ನಗಲಾರಂಭಿಸಿದ್ದಾರೆ. ಈ ವೇಳೆ ಸ್ಥಳದಲ್ಲಿ ಕೆಲವು ಸಮಯ ಗೊಂದಲದ ವಾತಾವರಣ ನಿರ್ಮಾಣವಾಗಿದೆ.

ಓದಿ:ನಾಲಿಗೆ ಕಟ್​ ಮಾಡಿ ದೇವಿಗೆ ಅರ್ಪಿಸಿದ 20 ವರ್ಷದ ಯುವತಿ!