ಬಾರ್ ಶಟರ್ ಮುರಿದು ಮದ್ಯದ ಬಾಟಲ್​​ ಜೊತೆ 65 ಸಾವಿರ ರೂ. ಕಳ್ಳತನ

ದೊಡ್ಡಬಳ್ಳಾಪುರ ತಾಲೂಕಿನ ಕೊನಘಟ್ಟ ಗ್ರಾಮದ ಹೊರಭಾಗದ ಬಾರ್​ವೊಂದರಲ್ಲಿ ಮದ್ಯದ ಬಾಟಲ್​ಗಳು ಮತ್ತು 65 ಸಾವಿರ ರೂ. ಕಳ್ಳತನವಾಗಿದೆ.

ದೊಡ್ಡಬಳ್ಳಾಪುರ: ರಾಡ್​ನಿಂದ ಬಾರ್​​ನ ಶಟರ್ ಮುರಿದು ಒಳ ನುಗ್ಗಿದ ಕಳ್ಳರು ಬಾರ್​​ನಲ್ಲಿದ್ದ ಒಂದು ಲಕ್ಷಕ್ಕೂ ಹೆಚ್ಚಿನ ಮದ್ಯದ ಬಾಟಲ್​ಗಳು ಹಾಗೂ 65 ಸಾವಿರ ರೂ. ನಗದು ದೋಚಿ ಪರಾರಿಯಾಗಿದ್ದಾರೆ.

ಮದ್ಯದ ಅಂಗಡಿಯಲ್ಲಿ ಕಳ್ಳತನ

ದೊಡ್ಡಬಳ್ಳಾಪುರ ತಾಲೂಕಿನ ಕೊನಘಟ್ಟ ಗ್ರಾಮದಲ್ಲಿ ಈ ಘಟನೆ ನಡೆದಿದ್ದು, ಗ್ರಾಮದ ಹೊರಭಾಗದಲ್ಲಿದ್ದ ಎಂಎಸ್​​ಎಎಲ್​ನ ಶೆಟರ್​​ನ್ನು ಕಬ್ಬಿಣದ ರಾಡ್​ನಿಂದ ಮೀಟಿ ಬಾರ್ ಒಳ ನುಗ್ಗಿ ಸಿಸಿ ಕ್ಯಾಮೆರಾ ಧ್ವಂಸ ಮಾಡಿ ಹಾರ್ಡ್​ ಡಿಸ್ಕ್​​ ಅನ್ನು ಕದ್ದೊಯ್ದಿದ್ದಾರೆ. ಪರಿಚಿತರಿಂದಲೇ ಕೃತ್ಯ ನಡೆದಿರುವ ಸಂಶಯ ಇದೆ. ದೊಡ್ಡಬಳ್ಳಾಪುರ ಗ್ರಾಮಾಂತರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.