ಚಿಕ್ಕಬಳ್ಳಾಪುರ: ಜಿಲ್ಲೆಯಲ್ಲಿಂದು 64 ಕೋವಿಡ್ ಪಾಸಿಟಿವ್ ಪ್ರಕರಣಗಳು ಪತ್ತೆಯಾಗುವ ಮೂಲಕ ಸೋಂಕಿತರ ಸಂಖ್ಯೆ 2,444ಕ್ಕೆ ಏರಿಕೆಯಾಗಿದೆ.
ಹೊಸದಾಗಿ ಸೋಂಕು ಪತ್ತೆ:
ಚಿಕ್ಕಬಳ್ಳಾಪುರದಲ್ಲಿ 23, ಚಿಂತಾಮಣಿ 14, ಗೌರಿಬಿದನೂರು 12, ಬಾಗೇಪಲ್ಲಿ 7 ಹಾಗು ಗುಡಿಬಂಡೆಯಲ್ಲಿ 8 ಸೋಂಕಿತ ಪ್ರಕರಣಗಳು ಪತ್ತೆಯಾಗಿದೆ. ಈ ಪೈಕಿ ಒಂದು ಐಎಲ್ಐ ಪ್ರಕರಣವಾದರೆ, ಉಳಿದವರಿಗೆ ಸೋಂಕಿತರ ಸಂಪರ್ಕದಿಂದ ಸೋಂಕು ತಗುಲಿದೆ.
ಗುಣಮುಖರಾದವರ ವಿವರ:
ಚಿಂತಾಮಣಿಯಲ್ಲಿ 11 ಮಂದಿ, ಚಿಕ್ಕಬಳ್ಳಾಪುರ 34, ಗೌರಿಬಿದನೂರು 14, ಬಾಗೇಪಲ್ಲಿಯಲ್ಲಿ 4, ಶಿಡ್ಲಘಟ್ಟದಲ್ಲಿ 4 ಹಾಗು ಗುಡಿಬಂಡೆ ವ್ಯಾಪ್ತಿಯಲ್ಲಿ 3 ಮಂದಿ ಸೇರಿದಂತೆ 70 ಮಂದಿ ಸಂಪೂರ್ಣ ಗುಣಮುಖರಾಗಿ ಬಿಡುಗಡೆಗೊಂಡಿದ್ದಾರೆ.
ಜಿಲ್ಲೆಯಲ್ಲಿರುವ ಸಕ್ರಿಯ ಪ್ರಕರಣಗಳೆಷ್ಟು?
ಸದ್ಯ 920 ಸಕ್ರಿಯ ಪ್ರಕರಣಗಳಿಗೆ ಜಿಲ್ಲೆಯ ಐಸೊಲೇಷನ್ ಸೇರಿದಂತೆ ತಾಲೂಕಿನ ಕೊವೀಡ್ ಕೇರ್ ಸೆಂಟರ್‌ಗಳಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ.
