ಆಯ ತಪ್ಪಿ ಕಾಲುವೆಗೆ ಬಿದ್ದ ಬೈಕ್: ಯುವತಿ ಸ್ಥಳದಲ್ಲೇ ಸಾವು, ಯುವಕ ಗಂಭೀರ

ಬೈಕ್ ಕಾಲುವೆಗೆ ಬಿದ್ದ ಪರಿಣಾಮ ಯುವತಿ ಮೃತಪಟ್ಟು, ಮತ್ತೋರ್ವ ಯುವಕ ಗಾಯಗೊಂಡ ಘಟನೆ ಕೋಳ್ಳೇಗಾಲದ ಚಿಕ್ಕಹಿಂದ್ವಾಡಿ-ಮಧುವನಹಳ್ಳಿ ರಸ್ತೆಯಲ್ಲಿ ನಡೆದಿದೆ.

ಕೊಳ್ಳೇಗಾಲ: ಮಹದೇಶ್ವರ ಬೆಟ್ಟಕ್ಕೆ ತೆರಳಿ ಹಿಂದಿರುಗುವಾಗ ಬೈಕ್‌ ನಿಯಂತ್ರಣ ತಪ್ಪಿ ಕಾಲುವೆಗೆ ಬಿದ್ದ ಪರಿಣಾಮ ಯುವತಿ ಸ್ಥಳದಲ್ಲೇ ಮೃತಪಟ್ಟ ಘಟನೆ ನಡೆದಿದೆ.

ಮಂಡ್ಯ ಜಿಲ್ಲೆ ಅರುವು ಗ್ರಾಮದ ಐಶ್ವರ್ಯ (18) ಮೃತ ಯುವತಿ. ಬೈಕ್ ಸವಾರ ಆನಂದ್ (22) ತೀವ್ರ ಗಾಯಗೊಂಡು ಆಸ್ಪತ್ರೆಗೆ ದಾಖಲಾಗಿದ್ದಾನೆ. ಮಹದೇಶ್ವರ ಬೆಟ್ಟಕ್ಕೆ ತರಳಿದ್ದ ಇವರು, ಪೂಜೆ‌ ಮುಗಿಸಿ ಮಂಡ್ಯಕ್ಕೆ ಹಿಂದಿರುಗುವಾಗ ಅತೀ ವೇಗದ ಚಾಲನೆಯಿಂದಾಗಿ ತಾಲೂಕಿನ ಚಿಕ್ಕಹಿಂದ್ವಾಡಿ-ಮಧುವನಹಳ್ಳಿ ಮುಖ್ಯ ರಸ್ತೆಯ ತಿರುವಿನಲ್ಲಿ ಆಯ ತಪ್ಪಿ ಬೈಕ್​ ಕಾಲುವೆಗೆ ಬಿದ್ದಿದೆ.

ಈ ಸಂಬಂಧ ಗ್ರಾಮಾಂತರ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿಕೊಡು ತನಿಖೆ ಮುಂದುವರೆಸಿದ್ದಾರೆ.